काठमाण्डौं १२ साउन । जापानमा जारी टोकियो ओलम्पिकमा नेपाली पौडीका एलेक्जेन्डर गाडेगार्ड शाह (एलेक्स) ले राष्ट्रिय कीर्तिमान बनाउनुभएको छ । टोकियो एक्वेटिक सेन्टरमा मंगलबार एलेक्सले पुरुषको १ सय मिटर फ्रीस्टाइलमा राष्ट्रिय कीर्तिमान बनाउनुभएको छ । हिट चरणमा एलेक्सले ५३.४१ सकेन्डको समय निकालेर एलेक्स आफ्नो हिट–१ मा शीर्ष स्थानमा रहनु भयो । ७ खेलाडी रहेको यस हिटमा एलेक्स छैटौं लेनमा रहनु भएको थियो ।
