स्याङ्जा १० कात्तिक । पुतलीबजार नगरपालिका १ प्रगतीनगर स्थित नवरत्न बचत तथा ऋण सहकारी संस्थाले आफनो १७ औ बार्षिक साधारणसभा बिबिध कार्यक्रम सहित सम्पन्न गरेको छ ।
सभाको उदघाटन गर्दै निवर्तमान संघिय सांसद नारायणप्रसाद मरासीनीले सहकारीका आदर्श, मूल्य मान्यता र सिद्धान्त बमोजिम संचालन गरेमा सहकारीले नोक्सान भोग्नु नपर्ने बताउनुभयो । नवरत्न सहकारी संचालक र कर्मचारीका भूमिका सकारात्मक भएकाले भविष्य पनि सुखद रहेको जानकारी गराउनुभयो ।
उपप्रमुख देवी अर्यालले सहकारीले सामाजिक तथा ब्यक्तिगत जीवनमा सकारात्मक प्रभाव पारेको बताउनुभयो । ब्यक्तिका महंगो ऋण लिएर आफना समस्या समाधान गर्नुपर्ने विगतका वाध्यतालाई सहकारी स्थापना भएसंगै सहज बनेको र बिधिसम्वत चलेका सहकारीलाई नगरपालिकाले आवश्यक सहयोग गर्ने बताउनुभयो ।
कार्यक्रममा राष्ट्रिय सहकारी बैंक स्याङ्जाका प्रमुख दिपक कोइराला, पुतलीबजार नगरपालिकाका सहकारी शाखा प्रमुख धनप्रसाद कोइराला, सल्लाहकार कपिल गिरी, जिल्ला बचत तथा ऋण सहकारी संघका अध्यक्ष रविन्द्रप्रसाद श्रेष्ठ लगायतले शुभकामना मन्तब्य ब्यक्त गर्दै सहकारीका मूल्य र मान्यतामा रही सेवाप्रवाह गर्नुपर्नेमा जोड दिनुभयो ।
सहकारीका अध्यक्ष मोतीप्रसाद पौडेलको अध्यक्षतामा सम्पन्न कार्यक्रममा उपाध्यक्ष अमृतप्रसाद श्रेष्ठले स्वागत कोषाध्यक्ष श्रीराम पाखरेलले आर्थिक प्रतिवेदन र समन्वयकर्ता वेदप्रसाद दोरंगाले कार्यक्रमको संचालन गर्नुभएको थियो । ।
विस २०६६ सालमा स्थापित सहकारीले जिल्लाकै नमूना सहकारी बन्ने अवधारणा सहित अघि बढेको जनाएको छ । चालु आर्थिक बर्ष २०८०÷०८१ मा सहकारीका शेयर रकम ९३ दशमलब ८२ प्रतिशत, बचत संकलनत ८६ दशमलब ६३ प्रतिशत, ऋण लगानी ८५ दशमलब ६० प्रतिशत, बार्षिक आय ७९ दशमलब ९५ प्रतिशत, बार्षिक ब्यय ८४ दशमलब ७५ प्रतिशत र संचालन मुनाफा ६३ दशमलब ०८ प्रतिशत संस्थागत उपलब्धि देखिएका छन् । सहकारीमा १ हजार ५ सय शेयर सदस्य छन् । आगामी बर्ष सहकारीले आफनै भवन निर्माण गर्ने घोषणा गरेको छ ।
सोही कार्यक्रममा पुतलीबजार नगरपालिका १ निवासी ८५ बर्षिय जेष्ठ नागरिक हुमनाथ पाध्यालाई सम्मान गरिएको थियो ।
सभाले सहकारीका उत्कृष्ठ कर्मचारीतर्फ प्रतिज्ञा गौतम, असल कारोवारीतर्फ गोमाकुमारी थापा र अन्जली थापा, बाल बचततर्फ सलिना भुजेल, निअन्सु श्रेष्ठ, सुयोग रेग्मी, विबिशा नेपाली, गेनीसा शर्मालाई सम्मान गरिएको थियो ।
सभामा नृत्य प्रर्दशन गर्ने ऋतु भुजेल, बिन्ती गुरुङ, रोनुसा गुरुङ, आशिका श्रेष्ठ र शाशिका सिंहलाई पनि सम्मान एवं पुरस्कृत गरिएको थियो ।
सहकारीका शेयरधनीका सन्तानलाई यसबर्षको एसइइ र कक्षा १२ उत्तीर्ण गर्ने २३ जनालाई सम्मान गरिएको थियो ।
एसइई उत्तीर्ण भई सम्मानित हुनेमा प्रथा बिष्ट, प्रनिशा श्रेष्ठ, सुशान्त शर्मा, टिया श्रेष्ठ, अनिसा राना, सुलभ गौतम, सिम्रन पौडेल, अनुप रेग्मी जागृती मरासीनी र बिद्या पोख्रेल रहेका छन् ।
यस्तै, कक्षा १२ उत्तीर्ण भएका जागृत सेन, प्रशान्त प्रधान, शुभ पोखरेल, समीर सापकोटा, मिनादेवी सापकोटा, आशिका श्रेष्ठ, अनुज्ञा थापा, अमिसा शर्मा, सक्षम मल्ल ठकुरी, ज्यासमीन थापा, अभिषेक अधिकारी, विकल पोखरेल, आशिका सिंह रहेको सहकारीले जनाएको छ ।
