स्याङ्जा २० असार । स्याङ्जामा जिल्ला स्तरीय महिला उद्यमी संघ गठन गरिएको छ ।
महिला उद्यमी चन्द्रकला रानाको अध्यक्षतामा ११ सदस्यीय महिला उद्यमी संघ जिल्ला समिति गठन भएको हो ।
पुतलीबजार नगरपालिका स्थित ब्लुपर्ल पार्टी प्यालेसमा शुक्रबार आयोजित बिशेष कार्यक्रमकाबीच सो समिति गठनको औपचारिक घोषणागरि सपथ ग्रहण गरिएको छ ।
समितिको वरिष्ठ उपाध्यक्षमा सुनिता पौडेल गौतम, उपाध्यक्षमा गुनकुमारी राना, महासचिवमा भवानी अधिकारी, सचिवमा लक्ष्मी थापा, कोषाध्यक्षमा करुणा पौडेल क्षेत्री कौशिला चयन हुनुभएको छ । यसैगरी, समितिको सदस्यमा रेबती पाध्या रेग्मी (रेणु), सम्झना श्रेष्ठ, हसिना बेगम, सुष्मा श्रेष्ठ, माया गोर्खाली चयन हुनुभएको हो ।
उद्यमी महिला भेला सहितको विशेष प्रशिक्षण र कार्यशाला सहितको कार्यक्रमको उद्घाटन गर्दै नेपालका लागी पाकिस्तानी राजदुत अब्रार एच हास्मीले महिलालाई उद्यमसंग जोडिनु पर्ने बताउनुभयो । उद्यम बिकासका लागि नेपालमा धेरै संभावना रहेको जनाउदै उद्यमीहरुलाई उद्यममा लाग्न सुझाव दिनुभयो । दक्षिण एशियामा नेपालका महिलाका सहभागीता धेरै राम्रो भएको जनाउदै उद्यममा लागेर व्यवसाय गर्नु पर्ने बताउनुभयो । आउदा दिनमा पनि महिला उद्यमीका लागि आवश्यक सहयोग गर्ने बताउनुभयो ।
कार्यक्रममा पुतलीबजार नगर प्रमुख तुलसीराम रेग्मीले पालिका सदैब महिला उद्यमीहरुको साथमा रहेको भन्दै सधै साथ र सहयोग गर्ने र हक हितका लागी लागि पर्ने प्रतिबद्धता व्यक्त गर्नुभयो ।
नगर उपप्रमुख देवी अर्याल, प्रमुख जिल्ला अधिकारी ईश्वरीप्रसाद अर्याल, महिला उद्यमी महासंघ गण्डकी प्रदेश संयोजक पार्वती पौडेल रेग्मी लगायतले शुभकामना मन्तब्य सहित महिला उद्यमका बारेमा जानकारी गराउनु भएको थियो ।
महिला उद्यमी महासंघ नेपालका अध्यक्ष शोभा ज्ञवालीको अध्यक्षतामा सम्पन्न कार्यक्रममा धन्यवाद मन्तब्य तृतीय उपाध्यक्ष बसन्ती प्रधानले धन्यवाद एवं कार्यक्रम अधिकृत मनोज तिमिल्सिनाले संचालन गर्नुभएको थियो ।
कार्यक्रममा बिभिन्न पेशा, ब्यवसाय तथा उद्यममा संलग्न करिब २ सय जना महिलाको सहभागिता थियो ।