स्याङ्जा २ माघ । जिल्ला वचत तथा ऋण सकारी संघ लिमिटेड स्याङ्जाले सहकारीमा भएको चोरीको घटनाप्रति ध्यानार्कषण गराएकोे छ । पछिल्लो समय जिल्लाका विभिन्न सहकारीमा भएको चोरी घटनामा संलग्नलाई कारबाहीको माग गर्दै जिल्ला प्रशासनलाई आइतवार ज्ञापन पत्र बुझाएका छन् ।
संघका अध्यक्ष रविन्द्रप्रसाद श्रेष्ठद्धारा जारी विज्ञप्तिमा सहकारीमा भएको चोरी जस्ता गम्भीर घटनामा संलग्न लाई कारबाही गरी सहकारी संस्थाहरुलाई शान्ति सुरक्षाको प्रत्याभुति दिलाउन माग गरिएको छ । समय समयमा सहकारी चोरीका घटनाहरु भएको भन्दै पुस २१ गतेदेखि २५ गतेसम्म कंचन वचत तथा ऋण सहकारी संस्था, सुलभ बचत तथा ऋण सहकारी पालिचौर, ग्रामिण सहकारी संस्था कालीगण्डिकी र पेलाकोट साना किसान सहकारीको मात्रै पाँच लाख २९ हजार रकम चोरी भएको संघले विज्ञप्ति मार्फत जनाएको छ ।
यसरी श्रृंखलावद्ध रुपमा चोडफोड र चोरीका घटनाहरुले सहकारी क्षेत्र नै स्तब्ध भएको विज्ञप्तिमा उल्लेख छ । घरघरमा भकारी गाउँगाउँमा सहकारी भन्ने नाराका साथ हरेक बजार देखि ग्रामिण क्षेत्रसम्म सहकारीको विस्तार तथा स्थापना भई आफ्ना सेयर सदस्यहरुलाई सरल रुपमा वित्तिय पहुँच विस्तारमा प्रमुख भुमिका निर्वाह गरेको भन्दै सहकारीले आफ्नो स्रोत साधनले भ्याएसम्मको सुरक्षाका उपाय अपनाउँदा पनि यस्तो चोरीका घटना हुँनुले सहकारी क्षेत्र स्तब्ध भएको उल्लेख छ ।
जिल्लामा ४६५ सहकारीहरु क्रियाशिल रहेका छन् । भने देशको कुल ग्राहस्थ उत्पादननको ५ प्रूतिशत सहकारीले ओगटेको छ । ज्ञापनपत्र बुझ्रदेै प्रमुख जिल्ला अधिकारी राजु पौडेलले घटनाप्रति आफु संवेदनशील रहेको र अनुसन्धान जारी रहेको बताउनुभयो ।