दमौली १२ मंसिर । नेपाली कांग्रेस तनहुँको सभापतिमा जीतप्रकाश आले निर्वाचित हुनु भएको हो । हालकै सभापति बैकुण्ठ न्यौपानेलाई पराजित गर्दे आले बिजयी हुनु भएको हो ।
दुवै पक्षले एक अर्काले करिब डेढ सय मतान्तरले चुनाव जित्ने दावी गरिरहँदा आलेले शुरुवातदेखि नै निरन्तर लिड गरेर आलेले ९७१ मत ल्याएर जित्दा न्यौपानेले ७८३ मत मत पाउनुभयो ।
क्षेत्र १ को मतान्तर, दुवै प्रदेशको चुनाव जितेको पौडेल प्यानलको मतको बल अनि सभापति हुँदाको प्रभावका आधारमा न्यौपानेले थोरै मतान्तरले जित्ने आशंका गरिए पनि केन्द्रमा प्रभाव जमाएका देउवा निकट हस्तीहरु शंकर भण्डारी, गोविन्द भट्टराई र मास्टरमाइण्ड भनेर जिल्लाको राजनीतिमा चिनिने ध्रुव वाग्लेको साथ पाएका आलेले क्षेत्र २ मा आफ्नो प्यानलले जमाएको पकडका आधारमा चुनाव जित्नुभयो ।
एक बाहेक पदाधिकारीमा आले प्यानल
मत परिणाम अनुसार यो उपसभापतिमा राजेन्द्रकृष्ण श्रेष्ठ र देवकुमार श्रेष्ठ विजयी हुनु भएको हो ।
सचिव पदमा यस अघि नै लक्ष्मीभक्त खनाल, सचिवमा सहदेव अधिकारी निर्वाचित भए । सहसचिवमा मिलन आले निर्वाचत र परमेश्वर भट्टराई विजयी भए ।
सह सचिव मिलन बाहेक सबै आले प्यानलका हुन् । जिल्लामा दुवै क्षेत्रमा गरी १७८२ म्तदाताले मतदान गरेका थिए ।