स्याङ्जा १३ फागुन । राष्ट्रिय लोकतान्त्रिक अपांग संघ गण्डकी प्रदेश को प्रथम अधिवेशनवाट अध्यक्षमा शंकरप्रसाद पराजुली, उपाध्यक्षमा ताराप्रसाद तिवारी, महासचिवमा युवराज पराजुली सर्वसम्मत निर्वाचित हुनु भएको छ ।महामन्त्री पदमा स्याङ्जाका युवराज पराजुली निर्वाचित हुनुभएको हो।
यसैगरी, जिल्लागत सदस्यहरुमा आशा गुरुङ, गणेश सुवेदी, रमा गोल्ने, माधव गिरी, हिराबहादुर गुरुङ, करिष्मा पाइजा, लक्ष्मीदेवी विक, हरि अधिकारी, दिनेश थकाली रहनु भएको छ ।
खुल्ला महिला सदस्यमा अनेमिका घर्ति मगर र कृष्णमाया सापकोटा हुनुहुन्छ । रुपेश माझी, बिष्णुहरि पराजुली, मिठुकुमारी श्रेष्ठ र ताराकुमारी पोख्रेल निर्वाचित भएको प्रम्ुख निर्वाचन अधिकृत कमल पौडेलले जानकारी दिनुभयो ।
विगत १८ वर्षदेखि अपागता भएका व्याक्तिहरुको हक हितका लागि निरन्तर कृयाशिल पराजुली स्याङ्जा अपांग समाजको संस्थापक अध्यक्ष , राष्ट्रिय अपांग महासंघ साविक पश्चिमाञ्चल विकास क्षेत्रको संयोजक ,युवा रेडक्रस सर्कलको संस्थापक सभापति ,रेडक्रस उपशाखा को निवर्तमान उपसभापति, लगायतका दर्जनौं सामाजिक तथा व्यवसायिक संघसंस्था पदाधिकारी तथा सल्लाहकार को रुपमा सेवा गर्नुभएको छ।
नेपाली कांग्रेसको १३ औ र १४ महाधिवेशन को केन्द्रीय महाधिवेशन प्रतिनिधि को रुपमा कृयाशिल रहेको । हाल अपागता शसक्तिकरण तथा सामुदायिक विकास केन्द्र (नेपालका अध्यक्ष ,राष्ट्रिय शारीरिक अपाग महासंघ गण्डकि प्रदेशको उपाध्यक्ष , अपागता विज्ञको रुपमा रहनुभएका उहाँ राष्ट्रिय लोकतान्त्रिक अपांग संघ स्याङ्जा को समेत संस्थापक अध्यक्ष हुनुहुन्छ ।
गण्डकी प्रदेश का ११ जिल्ला अधिवेशन सम्पन्न गरि प्रदेश अधिवेशन गरिएको हो।अधिवेशन को उद्घाटन नेपाली कांग्रेस गण्डकी प्रदेश का सभापति शुक्रराज शर्मा ले गर्नुभएको थियोे ।
