स्याङ्जा ९ असार । स्याङ्जा मुस्लिम युवा क्वबले आफना बाबुको किरियामा बसेकी छोरी र पत्नीलाई आर्थिक सहयोग गरेको छ ।
पुतलीबजार नगरपालिका १४ निवासी ५९ बर्षिय धनबहादुर विक परिवारलाई १० हजार ५ सय रुपैंया नगद सहयोग गरेको हो । मृत्युको पाचौं दिनको दुख भेटघाटका क्रममा सो रकम सहयोग गरेका हुन ।
विगत केही बर्षदेखि क्यान्सरबाट पिडित विकको यही असार ४ गते मृत्यु भएको थियो । आर्थिक अवस्था कमजोर रहेको विक परिवारलाई मुस्लिम युवा क्लव मार्फत आर्थिक सहयोग गरेको क्लवका महासचिव एवं वडा सदस्य मुवारक मियाले जानकारी दिनुभयो ।
क्लवका उपाध्यक्ष समिम अलि मिया, महासचिव मुवारक मिया, सदस्य सकिन मिया, नेपाली कांग्रेसका पुतलीबजार नगरसहसचिव प्रकाश पौडेल सहित गएको टोलीले छोरी हरिमाया विकलाई सो रकम हस्तान्तरण गरेका हुन ।
विकका पत्नी र दुई छोरी हुनुहुन्छ । क्वलले विगतदेखि नै समाजिक सेवामा सहयोग गर्दै आएको छ ।
मुस्लिम युवा क्लवद्धारा १० हजार ५ सय आर्थिक सहयोग
