स्याङजा २९ बैशाख । पुतलीबजार नगरपालिका १३ स्थित स्मृति युवा क्लवद्धारा आयोजित नगरस्तरीय अध्यक्ष कप फुटवल प्रतियोगिता सोमबार सुरु भएको छ ।
बुद्ध जयन्तीको अवसर पारेर क्लवले छैटौें अध्यक्ष कप फुटवल प्रतियोगिता मातृभूमि खेलमैदानमा सुरु गरेको छ ।
प्रतियोगिताको उदघाटन गर्दै वडाअध्यक्ष जुद्धबहादुर थापाले वडाभित्रका खेलाडीहरुको क्षमता पहिचान गर्दै उनीहरुलाई थप सशक्त बनाउने उदेश्यले प्रतियोगिता आयोजना गरिएको बताउनुभयो । प्रतियोगितालाई अनुशासित र सभ्यरुपमा सम्पन्न गर्न सरोकारवाला सबैले ध्यान दिनुपर्ने उहाले भन्नुभयो ।
कार्यक्रममा एन्फाका जिल्ला अध्यक्ष मुक्तबहादुर राना, पूर्व जिविस सभापति रामबहादुर थापा, रेडक्रस सोसाइटी स्याङ्जाका उपसभापति लक्ष्मी थापा, स्याङ्जा च्याम्बर अफ कमर्श वरिष्ट उपाध्यक्ष श्री गुरुङ, मातृभूमि बिद्यालय ब्यवस्थापन समितिका अध्यक्ष ख्यामनारायण अधिकारी, मातमूभि बचत तथा ऋण सहकारीका अध्यक्ष बलराम सुवदी लगायतले शुभकामना मन्तब्य ब्यक्त गर्नुभएको थियो ।
स्मृती क्लवका अध्यक्ष भिम रानाको अध्यक्षतामा सम्पन्न कार्यक्रमको स्वागत सदस्य शेषराज सुवेदीले र सचिव मिनप्रसाद अर्यालले संचालन गर्नुभएको थियो ।
नगरपालिका स्तरीय सो प्रतियोगितामा ८ समूहको सहभागिता छ । विजेताले ५० हजार १११ सहित मेडल र ट्रफी , र उपविजेता ३० हजार १११ नगद सहित मेडल र ट्रफी पाउने भएका छन् । प्रतियोगिता ३ गते समापन हुने अध्यक्ष रानाले जानकारी दिनुभयो ।
