स्याङ्जा १५ माघ । पुतलीबजार नगरपालिका अन्र्तगत कक्षा ६ देखि १० सम्म अध्ययनरत छात्रा तथा किशोरीलाई यही माघ २२ गतेदेखि २७ गतेसम्म एचपिभी खोप दिईने भएको छ ।
नगरपालिकाभित्रका एक हजार ७२० जना किशोरीलाई पाठेघरको मुखको क्यान्सर बिरुद्धको एचपिभी (ह्युमन प्यापिलोमा भाइरस) खोप दिइने भएको हो ।
मंगलबार पुतलीबजार नगरपालिकाकाद्धारा आयोजित खोप समन्वय समितिका पदाधिकारी, सदस्य एवं पत्रकारहरूसँगको अन्तक्र्रिया कार्यक्रममा नगरपलिकाभित्रका १४ वटै वडामा अध्यनरत छात्रा र विद्यालय बाहिर रहेका किशोरीलाई खोप लगाईने जानकारी दिइएको हो ।
कार्यक्रममा बोल्दै नगरप्रमुख तुलसीराम रेग्मीले विश्व स्वास्थ्य संगठनद्धारा प्रमाणिकरण गरिएको उक्त खोप लक्षित बर्ग र तोकिएको समूहले लगाउन सुझाव दिनुभयो । सबैभन्दा धेरै पाठेघरको क्यान्सरबाट महिलाको मृत्यु हुने गरेको जनाउदै रोग लाग्नु भन्दा पहिल्यै रोकथाम गर्नु जरुरी रहेको औल्याउनुभयो ।
उक्त खोप १० देखि १४ वर्ष उमेर समूहका किशोरीलाई एचपिभीको संक्रमणबाट सुरक्षित हुनको लागि लगाउनु पर्ने उहाले भन्नुभयो ।
कार्यक्रममा प्रमुख प्रशासकिय अधिकृत धर्मराज ढुंगानाले वडा वडामा सुरु हुने अभियानलार्इृ सार्थक बनाउन सबै जनप्रतिनिधि र स्वास्थ्यकर्मी जागरुक हुनु पर्ने बताउनुभयो ।
प्रदेश जनस्वास्थ कार्यालयका क्षय कुष्ठ अधिकृत मनिष महतोले एचपिभी खोपका बारेमा कार्यपत्र प्रस्ततु गर्नु भएको थियो ।
कार्यक्रमको सहजीकरण गर्दै पुतलीबजार स्वास्थ्य शाखा अधिकृत इश्वर थापाले वडाका माध्यमिक बिद्यालय र स्वास्थ्य चौकीमा खोप लगाउने ब्यवस्था मिलाइएको पनि जानकारी गराउनुभयो ।