स्याङजा ५ माघ । फागुन ६ गते मंगलबार स्याङ्जामा दुई भब्य कार्यक्रमको उदघाटन गरिदैछ । मंगलबार हुने यी दुवै कार्यक्रमको संस्कृती पर्यटन तथा नागरिक उडड्यन मन्त्री बद्रीप्रसाद पाण्डेले उद्घाटन गर्नु हुने भएको हो ।
पुतलीबजार नगरपालिका १ स्थित मालेबगर खेलमैदानमा हुने स्याङ्जा जिल्ला उद्योग वाणिज्य संघद्धारा आयोजित सातौ स्याङ्जा महोत्सव र अर्जुनचौपारी गाउपालिकामा निर्मित नेपालमै पहिलो नवग्रह मन्दिरको उद्घाटन मंगलबार एकैदिन गरिने भएको हो ।
फागुन ६ अर्थात मंगलबारदेखि १८ गतेसम्म संचालित स्याङ्जा महोत्सव र नवग्रह मन्दिरको प्राण प्रतिष्ठा तथा अनुष्ठान महाशिवरात्री सहित १४ गते सम्म संचालित कार्यक्रम सुरु हुने भएको हो । दुवै कार्यक्रम पर्यटन र संस्कृतिसगँ जोडिएकाले दुवै मेलाको उद्घाटनका लागि मन्त्री पाण्डेलाई बोलाइएको आयोजकको भनाई छ ।
दुबै महोत्सवले स्याङ्जा महोत्सवले जिल्लाका धार्मिक, प्राकृतिक, पर्यटकीय एवं ब्यावसायिक क्षेत्रको पहिचान र अवलोकन गर्न सहज बनाउने छ भने धार्मिक तथा पर्यटकीय गन्तब्य सहित ब्यावसायिकतामा समेत जोड दिईने लक्ष्य गरिएको छ ।
