स्याङ्जा १२ चैत । चालु आर्थिक बर्षको ८ महिनामा स्याङ्जामा ७ जना क्षयरोगबाट संक्रमित बिरामीको मृत्यु भएको छ जनस्वास्थ्य कार्यालयले जनाएको छ ।
आर्थिक बर्ष २०८०\०८१ को सुरुदेखि फागुन मसान्तसम्म जिल्लाभर १ सय ९७ जना क्षयरोगको विरामी रहेको र ७ जनाको मृत्यु भएको प्रदेश जनस्वास्थ्य कार्यालय पुतलीबजार, स्याङ्जाका प्रमुख केशवप्रसाद चापागाईले जानकारी दिनुभयो ।
प्रमुख चापागाईका अनुसार, ‘सबैभन्दा धेरै वालिङ् नगरपालिकामा ४४ जना र सबैभन्दा कम हरिनास गाउँपालिकामा भेटिएका छन्।’
नगरपालिका अन्र्तगतका चापाकोटमा ३७, भीरकोटमा ३१, गल्याङमा २८, पुतलीबजारमा १६ जना छन्।
यसैगरी, गाउँपालिकातर्फ बिरुवामा १६, अर्जुनचौपारीमा १०, कालीगण्डकीमा ७, फेदीखोलामा ४, आँधीखोलामा ३ जना क्षयरोगका बिरामी उपचारत रहेको चापागाईंले बताउनुभयो ।
मृत्यु हुनेमा पुतलीबजारका ४, वालिङ, गल्याङ र आँधीखोलाका एक÷एक जना रहेको कार्यालयले जनाएको छ। क्षयरोगका संक्रमण गाउँपालिकाको तुलनामा नगरपालिकामा बढी देखिएको छ ।