स्याङजा २३ जेठ । चुत्रो जातको जडिबुटी संकलन गर्ने तीनजना प्रहरी नियन्त्रणमा छन्। उनीहरु ३ जना बुधवार दिउसो पक्राउ परेका हुन्।
अर्जुनचौपारी गाउँपालिका – ३ टाउँ घडेरीको चुत्रेनी जङ्गलमा चुत्रो जातको जडिबुटी संकलन गरेका पुनम गुरुङ, देवेन्द्र गुरुङ र जितबहादुर विक (अमृत) लाई प्रहरी नियन्त्रणमा रहेको प्रहरी नायब उपरीक्षक प्रसन्नराज चौधरीले जानकारी दिनुभयो ।
पर्वत महाशिला गाउँपालिका – ४ का ३५ र ३२ बर्षका गुरुङ र २५ वर्षीय विकलाई नियन्त्रणमा लिई अनुसन्धानजारी रहेको प्रहरीको भनाई छ। अबैधरुपमा जडीबुटी संकलन गरेका उनीहरूबाट झण्डै ५ सय किलो चुत्रो जातको जडिबुटी समेत बरामद गरिएको प्रहरीले जनाएको छ ।
जडिबुटी संकलन गरिरहेको भन्ने सूचनाका आधारमा उनीहरूलाई नियन्त्रणमा लिएको प्रहरी भनाई छ।
