स्याङ्जा १८ चैत । नेकपा एमाले स्याङ्जाले वालिङमा जागरण सभा गरेको छ । संविधान र गणतन्त्रको पक्षमा एमालेले जागरण सभा तथा ¥याली गरेको हो ।
सभालाई सम्बोधन गर्दै एमाले बोलिटव्युरो सदस्य तथा गण्डकी प्रदेशका पुर्व मुख्य मन्त्री खगराज अधिकारीले जन्मिँदै कोहि पनि सर्वश्रेष्ठ नहुँने भन्दै जनतालाई सर्वसर्वद्धा हुने लोकतन्त्रको विरुद्ध उत्रिनु हास्यासपद रहेको बताउनुभयो । पत्रकारलाई थुनेर आगो लगाई हत्या गर्ने, मिडियालाई आक्रमण गर्ने तथा आम सर्वधारणलाई भ्रमित पार्ने काम राजतन्त्रवादीले गरेको भन्दै यस्तो कार्य एमालेलाई कदापि स्वीकार्य नहुँने बताउनुभयो ।
देशमा संकट मोचनका लागी एमाले कांगे्रसको गठबन्धनको सरकार बनेको भन्दै यो सरकार जनताको बलमा बनेको बताउनुभयो । गणतन्त्रका पार्टीहरुमा जनता मार्ने, जनतालाई ठग्ने प्रवित्ति नभएको भन्दै नागरिक लुट्ने र पत्रकार मार्नेहरुलाई छुट नहुँने बताउनुभयो ।
नारायणहिटी दरबारमा बंश विनाश गरेर रगतको अहालमा टेकेर नक्कली राजा बनेकाहरुले पत्रकारको हत्या गरेको अधिकारीको आरोप छ । राजा आउ देश बचाउ भन्नेहरु मुर्ख भएको बताउँदै अधिकारीले भन्नुभयो ,“आफ्नो दरबार र बंशको रक्षा गर्न नसक्नेले देश र जनताको रक्षा गर्छन् ।
सत्तामा जानको लागि माओबादीले पनि विगत भुल्न नहुने उहाँको धारणा छ । हिजो माओबादीका नेतालाई छानी छानी मार्ने यही राजतन्त्र भएको बताउँदै विगत स्मरण गर्न उहाँले आग्रह गर्नुभयो ।
जागरण अभियानमा नेकपा एमाले जिल्ला अध्यक्ष सूर्यप्रसाद गैहे (पारश) लगायतले गणतन्त्रवादी एक जुट हुनुको बिकल्प नरहेकोमा जोड दिनुभयो ।
