स्याङ्जा, १ कात्तिक । कर्तव्य ज्यान मुद्दाका फरार आरोपितलाई प्रहरीले २० वर्ष पछि पक्राउ गरेको छ। अर्जुनचौपारी गाउँपालिका २ का ५२ वर्षीय पोतबहादुर रोकाहालाई प्रहरीले पक्राउ गरेको हो।
झण्डै २० बर्षअघि (२०५८ पुस) महिनामा सोही स्थान बस्ने झलकबहादुर रोकाहालाई कर्तब्यगरी मारेको आरोपपछि उनी फरार रहेको प्रहरी निरीक्षक पदमराज थापाले जानकारी दिनुभयो ।
आरोपित रोकाहा भारतमा लुकीछिपी बसेको र अहिले दशैं मनाउन घर आएको भन्ने सूचनाका आधारमा पक्राउ परेका हुन। आरोपित रोकाहालाई असोज ३० गते उनलाई घरबाटै पक्राउ गरिएको हो।
