स्याङ्जा २४ पुस । पर्यटन तथा उद्योग कार्यालय स्याङ्जाको आयोजना तथा स्याङ्जा जिल्ला उद्योग वाणिज्य संघ स्याङ्जाको समन्वय १५ दिने हाते ट्याक्टर , कम्वाईन मिल तथा मेशिनरी औजार मर्मत सम्बन्धी सीपमूलक तालिम सुरु गरेको छ ।
सीप सिकौं, आत्मनिर्भर बनौ भन्ने मूल नाराका साथ मेशिनरी मर्मत तालिम सुरु गरेको हो । तालिमको उदघाटन गर्दै पुतलीबजार नगरप्रमुख तुलसीराम रेग्मीले मर्मतकर्ताका अभावमा यस्ता मेशिनरी बस्तुहरु उपयोग बिहिन रहेका अवस्थामा यस्ताखालका तालिमले सहयोग पुग्ने बताउनुभयो । तालिम सिकेर आफनै गाउँघरमै मर्मत केन्द्र संचालन गरेर स्थानीयबासीलाई सहयोग गर्न सुझाव दिनुभयो ।
नगरपालिकाले कृषि आधुनिकीकरणसंगैे किसानमैत्री प्रबिधिका अन्य औजारका लागि पनि आवश्यकता अनुरुपका तालिम उपलब्ध गराउने बताउदै सीपलाई कार्यान्वयनमा ल्याउन आग्रह गर्नुभयो ।
कार्यक्रममा वडाअध्यक्ष उत्तमप्रसाद श्रेष्ठ, पर्यटन तथा उद्योग कार्यालय प्रमुख श्रीप्रसाद रेग्मी, उद्योग वाणिज्य संघका सदस्य रविन केसी, पत्रकार महासंघका उपाध्यक्ष भवानी अधिकारी, प्रशिक्षक लोकेन्द्रमान सिंह भण्डारी लगायतले मन्तब्य ब्यक्त गर्नुभएको थियो ।
संघका अध्यक्ष रविन्द्रमान श्रेष्ठको अध्यक्षतामा सम्पन्न कार्यक्रममा वरिष्ट उपाध्यक्ष हिक्मत श्रेष्ठले स्वागत, तृतीय उपाध्यक्ष सुनिता पौडेलले धन्यवाद एवं महासचिव रामचन्द्र नेपालले संचालन गर्नुभएको थियो ।े तालिममा २० जना युवाको सहभागिता छ ।
