स्याङ्जा २५ भदौ । पुतलीबजार नगर स्तरीय शोैन्दर्यकला समितिले मृर्गौला रोगबाट पिडित अजय गुरुङ्लाई नगद १५ हजार रुपैया आर्थिक सहयोग गरेका छन् ।
पुतलीबजार नगरपालिका १ निवासी ४२ बर्षिय गुरुङका २ वटै मृर्गौलाले काम गर्न नसक्ने भएपछि उहा उपचारकै क्रममा हुनुहुन्छ । उहाले नियमित डायलायशिस गर्दे आउनु भएको छ । मृर्गोलाको समस्याले थलिनु भएका गुरुङ्लाई केही सहयोग गरौं भन्ने उदेश्यले सानो रकम सहयोग गरिएको शोैन्दर्यकर्मी नगर अध्यक्ष माया गोर्खालीले बताउनुभयो ।
शौन्दर्यकर्मी अध्यक्ष गोर्खालीसंगै सचिव कल्पना लम्साल, कोषाध्यक्ष सुमन श्रेष्ठ र सदस्यहरु श्रृती श्रेष्ठ, रिमा थापा, बसन्ती आले र मीना केसी गुरुङ्कै निवासमा पुगेर सो रकम हस्तान्तरण गर्नुभएको हो । यसअघि पनि नगर शौन्दर्यकर्मीहरुले पुतलीबजार नगरपालिका १४ निवासी रक्तक्यान्सर पिडित १८ बर्षे समिर मल्ललाई पनि आर्थिक सहयोग गरिसकेका छन्। उहाहरुले ब्यक्तिगत रुपमा केही नगद संकलन गरेर सहयोग गरेको जनाए ।