६ महिने नावालिकालाई खाल्डोमा फालेर मारेको आरोपमा आमा र प्रेमि प्रहरी नियन्त्रणमा

स्याङ्जा २२ साउन । आफनै ६ महिने नावालिका छोरीलाई अस्थायी शौचालयको खाल्टोमा फालेको आरोपमा २२ बर्षिया लक्ष्मी राना र उनका प्रेमि केदार कुमाल पक्राउ परेका छन्।
स्याङ्जा गल्याङ्का लक्ष्मी राना यही साउन १० गतेदेखि ६ महिने छोरी सहित सम्पर्क बिहीन थिईन्।
उनले पाल्पाका २२ बर्षिय केदार कुमालसंग भागी विवाह गरेपछि उनका पति मिनबहादुर राना र ससुरा लगायतले दिएको निवेदनका आधारमा खोजतलास गरिएको थियो।
उनीहरु दुबैजनालाई गल्याङ् बजारबाट प्रहरीले नियन्त्रणमा लिर्ई सोधपुछ एवं अनुसन्धान गर्दा लक्ष्मीले पाल्पा रामपुरका केदार कुमालसंग भागी विवाह गरेको थाहा पाएपछि परिवारले ६ महिने छोरीको खोजलसास गर्दा सो घटना बाहिरिएको हो।
अनुसन्धानका क्रममा साउन १० गतेका राती नै अस्थायी शोैचालयको खाल्टोमा फालेको भन्ने पुष्टि भएपछि सोही स्थानमा खोजतलास गर्दा सडेगलेको अवास्थामा बच्चाको लास फेला परेको र उनीहरुलाई नियन्त्रणमा लिएको प्रहरी नायब उपरीक्षक रविन्द्र खनालले जानकारी दिनुभयो ।
आरोपित महिला र पुरुष दुबै जनालाई प्रहरी नियन्त्रणमा लिई ज्यान सम्बन्धि कसूरमा म्याद थपभई थप अनुसन्धान कार्य जारी रहेको प्रहरीले जनाएको छ ।