स्याङ्जा १३ साउन । नेपाल निजामति कर्मचारी सगठन स्याङ्जाले मनोज, झपेन्द्र, सुरेन्द्र स्मृति दिवस मनाएको छ ।
फेदिखोला गाउँपालिमा १ कटुसश्वारा स्थित अमोर नेपालका बालबालिकालाई खाजा, खाद्यान्न सहित बालगृह परिसर वरपर बृक्षरोपण गरिएको छ ।
कार्यक्रममा बोल्दै गाउपालिकाका अध्यक्ष घनश्याम सुवेदीले मनोज, झपेन्द्र र सुरेन्द्रले कर्मचारी भै सेवा गर्दाका बेलाका योगदानका बारेमा चर्चा गर्नुभएको थियो ।
कार्यक्रममा जिल्ला समन्वय समितिका सदस्य निरमाया कार्की, पेशागत महासंघका अध्यक्ष ताराचन्द्र ढकालले मन्तब्य ब्यक्त गर्नुभएको थियो ।
निजामति कर्मचारी सगठन स्याङ्जाका अध्यक्ष अमरबहादुर पराजुलीको अध्यक्षतामा सम्पन्न कार्यक्रममा उपाध्यक्ष रमेश विकले स्वागत एवं बालगृह संचालिका कमला पराजुलीले धन्यवाद सहित संचालन गर्नुभएको थियो ।
