स्याङ्जा ८ बैशाख । वैशाख ९ गते शुक्रबारदेखि सुरु हुने एसईई परीक्षामा स्याङ्जामा ४ हजार ८३७ परीक्षार्थी सहभागी हुँदैछन्। ती मध्ये छात्रतर्फ २ हजार ३६८ र छात्रतर्फ २ हजार ४१८ जना रहेको जिल्ला शिक्षा समन्वय अधिकारी गुरुप्रसाद पौडेलले जानकारी दिनुभयो।
सोही अन्तरगत प्राविधिक शिक्षातर्फ ९६ जना र ग्रेडवृद्धितर्फ ५१ जना प्रमुख पौडेलले जानकारी दिनुभयो । स्याङ्जाका ५ वटा विद्यालयमा प्राविधिक शिक्षासम्बन्धी पढाइ हुनेगर्छ। समन्वय इकाई कार्यालयमा आयोजित पत्रकार सम्मेलनमार्फत उनले परीक्षाको सम्पूर्ण तयारी पूरा भएको पनि जानकारी दिनुभयो।
जिल्लाका ११ वटै पालिकामा प्रश्नपत्र र उत्तरपुस्तिकालगायतका आवश्यक सामग्री पुर्याइसकेको र सुरक्षाकर्मीका निगरानीमा राखिएको छ। जिल्लाभर ३५ परीक्षा केन्द्र र ३५ जना केन्दाध्यक्ष, सहायक केन्द्राध्यक्ष, निरीक्षक, सहायक कर्मचारी र सुरक्षाकर्मी खटाइएको छ।
गत वर्षभन्दा यो वर्ष एसईई दिनेको संख्या कम हो । गत वर्ष झण्डैं ५ हजार २ सय जनाले परीक्षा दिएका थिए। परीक्षा वैशाख २० गतेसम्म सञ्चालन हुनेछ। यस वर्ष भने उत्तिर्णांक नम्बर ३५ पुर्याएको छ। यसअघि ३२ थियो।