स्याङ्जा २९ असार । सुरक्षित आप्रवासन (सामी) परियोजनाबारे जिल्ला स्थित पत्रकारहरुसंग अन्र्तक्रिया गरिएको छ ।
पुतलीबजार नगरपालिकाको आयोजनामा आयोजित सामी परियोजना बारे छलफल एवं सुझाव संकलन कार्य गरिएको हो ।
कार्यक्रममा बोल्दै नगर प्रमुख तुलसीराम रेग्मीले वैदेशिक रोजगारका लागि जाने तयारीको अवस्था राहदानी बनाउनेदेखि लगायतका बिभिन्न चरणहरु पार गर्ने अवस्थामै चनाखो बन्नुपर्ने बताउनुभयो ।
विदेशमा जाने बेलामा कहाँ जाने, कसरी जाने, त्यहाका भुगोल, राजनीतिक, सांस्कृति, धार्मिक, भाषिक एवं कानून लगायत सीप सिकेर गएमा सहज हुने र यि विबिध बिषयको ज्ञानका बारेमा सामी परियोजनाले सहजीकरण गर्दे आएको उहाले बताउनुभयो ।
मुलुकका धेरै युवा बैदेशिक रोजगारमा पुगेको बताउदै विदेशमा सिकेका सीप र क्षमतालाई स्वदेश उपयोग गर्नेगरी वातावरण बनाउनु पर्नेमा उहाले जोड दिनुभयो।
कार्यक्रममा उपप्रमुख देवी अर्याल, प्रवक्ता मनोज पौडेल, पत्रकार महासंघका निर्वतमान अध्यक्ष ओमप्रकाश शर्मा, उपाध्यक्ष भवानी अधिकारी, प्रदेश सदस्य प्रकाश डोटेल, कोषाध्यक्ष रमेश गोदार, पत्रकार रोशन लामिछाने लगायतले जिल्लामा सामी परियोजनाले जिल्लामा पुरयाएको सेवा सहित आ आफना धारणा र जिज्ञासा ब्यक्त भएको थियो ।
कार्यक्रममा कार्यक्रम संयोजक एकनारायण सापकोटाले जिल्लामा सामी परियोजना र यसले गर्दे आएका काम र प्रभावका बारेमा र कार्यक्रम अधिकृत भागीराम थारुले बैदेशिक रोजगार ब्यवस्थापका लािग नीतिगत ब्यवस्थाका बारेमा छुट्टाछुट्टै कार्यपत्र प्रस्तुत गर्नुभएको थियो ।
सामी परियोजना स्याङ्जाका पुतलीबजार, वालिङ, गल्याङ नगरपालिका र हरिनास गाउँपालिकामा संचालनमा रहेको र अव आधीखोलामा पनि विस्तार गरिने भएको छ ।
परियोजनाले सूचना प्रवाह, सीपमूलक तालिम, न्यायमा पहुँच, बित्तिय सक्षरता र मनोसामाजिक परामर्श लगायतका क्षेत्रमा काम गर्दे आएको छ ।
