स्याङ्जा २२ भदौ । अन्तराष्ट्रिय साक्षरता दिवसको अवसरमा वालिङमा पढाइ मेला सम्पन्नभएको छ ।
सहभागिले प्रदर्शनीमा राखिएका पुस्तकहरु अध्ययन गर्नुका साथै पढाइ र यसको महत्वकाबारे आफ्ना अनुभवहरु समेत साटासाट गरेका छन् । पुस्तक अध्ययनका साथै कक्षा एक देखि पाँच सम्म कोर्सको पढाइ भन्दाअन्य २५०० बाल पुस्तकअध्ययन गर्ने श्री राष्ट्रिय माध्यमिक विद्यालय वालिङकी छात्रा लुवीना लामालाई सम्मान समेत गरिएको थियो ।
दहथुम माध्यमिक विद्यालय भीरकोट बाट समेत सहभागीभई ५ जना विद्यार्थीहरुले बालकथा वाचन गरेका थिए । १५ जना बालबालिकाले बालकथा वाचन गर्नुभएको थियो । पुस्तक पढ्ने रर पढाउने कार्य पवित्रकार्य भएको र पुस्तक पढ्ने मेलाले यहाँको समुदायमा पुस्तक पढ्ने संस्कृतिमा टेवापुग्ने बताइएको छ ।
मेलामा विभिन्न शीर्षकका बालकथाका पुस्तकतथा कार्डहरु प्रदर्शन गरी आउने जति सबैलाई निशुल्क रुपमा पढ्न पाउने व्यवस्था गरिएको र करिव ९०० बालकथाका कार्डहरु निशुल्क वितरण गरिएको रुम टु रिडका बरिष्ठ कार्यक्रम अधिकृत ओम कुमार श्रेष्ठले जानकारी गराउनुभयो ।
पठन मेलाकार्यक्रमले पढौँ पढौँ लाग्ने यस्ता बालसाहित्यका पुस्तकहरु पनि हुन्छन् र कोर्सभन्दा अन्य पुस्तकहरुले ज्ञानको क्षेत्र फराकिलो हुने वालिङ नगरपालिकाका शिक्षा अधिकृत दुर्गा कुमारी न्यौपानेले बताउनुभयो ।
यस्ता खालका अभियानहरुले सामुदायमा पुस्तकालयको महत्व, पढाइको महत्वको विषयमा निरन्तर जागरुकता बढाउने भएकोले आगामी दिनमा पनि यस्ता कार्यक्रमहरु आयोजना नियमित गर्दै जाने सूर्योदय क्लबका अध्यक्ष अनन्तकुमार श्रेष्ठले बताउनुभयो ।
रुम टु रिड र सूर्योदयक्लबले आयोजनामा सञ्चालनभएको उक्तकार्यक्रममाकरिव एक हजार जना सहभागिभएकाथिए ।