काठमाण्डौ ३१ असोज । सांस्कृतिक धरोहरको १ सय ३ वर्ष ५ महिना उमेरमा आइतबार बिहान ७ बजेर ९ मिनेटमा किस्ट मेडिकल कलेज तथा शिक्षण अस्पतालमा निधन भएको छ।
डेंगु संक्रमणका कारण केही दिनदेखि आईसीयूमा राखेर उनको उपचार भइरहेको थियो। पिसाबमा संक्रमणसमेत देखिएका उनी मुटु र फोक्सोका दीर्घरोगी थिए।
उनको निधनले नेपाली वाङ्मय जगत्मा अपूरणीय क्षति पुगेको छ। बिभिन्न रोग तथा पछिल्लो समय डेंगुका संक्रमणका कारण उपचारका क्रममा उनको हिजो बिहान अस्पतालमै निधन भएको हो ।
उहाँको पार्थिव शरीर किस्ट अस्पताल लगिएको छ । ललितपुर महानगरपालिकाको प्राङ्गणमा श्रद्धाञ्जली दिन राखिएको जोशीको पार्थिव शरीर अध्ययनका लागि किस्ट अस्पतालमा राखिने भएको छ । पार्थिव शरीरलाई सुरक्षित राख्नका लागि नगल्ने केमिकल प्रयोग गर्ने प्रविधि अपनाउने किस्ट मेडिकल कलेजले जनाएको छ । जोशीले यसअघि आफ्नो शरीर दान गर्ने घोषणा गर्नुभएको थियो ।
शताब्दी पुरुष सत्यमोहन जोशीको उपचारका क्रममा आज बिहान किस्ट अस्पतालमै निधन भएको थियो । ललितपुरको बखुम्बहालमा विक्रम संवत् १९७७ साल वैशाख ३० गते जन्मिएका जोशी संस्कृतिविद् हुनुहुन्छ । उहाँ तीन पटक मदन पुरस्कार पाउने एक्लो व्यक्ति हुनुहुन्छ । उहाँको ‘लोक संस्कृति’ नामक पुस्तकले २०१३ सालमा मदन पुरस्कार पाएको थियो ।
यस्तै ‘नेपाल राष्ट्रिय मुद्रा’ नामक पुस्तकका लागि दोस्रो पटक र ‘कर्णाली लोक संस्कृति’ पुस्तकका लागि तेस्रो पटक मदन पुरस्कार पाउनुभएको थियो ।