स्याङ्जा २७ मंसिर । मंसिर ४ गते सम्पन्न निर्वाचन अन्र्तगत प्रतिनिधिसभा र प्रदेशसभा अन्र्तगतका समानुपातिकतर्फ स्याङ्जामा कांग्रेसले सबैभन्दा बढी मत पाएको छ।
जिल्लाका एकमात्र संघिय समानुपातिकतर्फका उम्मेदवार गोपालमान श्रेष्ठ भने सांसदको सूचीमा पर्नु भएन ।
निर्वाचन आयोगको तथ्यांक अनुसार यहाँ नेपाली कांग्रेसले संघतर्फ समानुपातिकमा ५३ हजार ४३० मत पाएको हो।
यसैगरी, नेकपा एमाले दोश्रो स्थानमा छ । एमालेले ५० हजार ४८८ मत पाएको छ।
राष्ट्रिय स्वतन्त्र पार्टीले २२ हजार २२६ मत प्राप्त गरेको छ सहित तेस्रो स्थानमा र ४ हजार ९०९ मत सहित नेकपा माओवादी केन्द्र चौथोँ स्थानमा छ।
यसैगरी, ३ हजार ४८ मतसहित राष्ट्रिय प्रजातन्त्र पार्टी पाचौँ स्थानमा र मंगोल नेशनल अर्गनाइजेशन १ हजार ४१६ मत सहित छैटौं स्थानमा रहन सफल भएको छ।
नेकपा एकीकृत समाजवादीले ८ सय ६२ मत पायो भने अन्यले २ हजार ३७१ मत पाएका छन्।
यसैगरी, प्रदेशतर्फको समानुपातिकतर्फ पनि नेपाली कांग्रेसकै मत बढी छ। कांग्रेसले ६१ हजार २५५ मत पाउदाँ नेकपा एमालेले ५६ हजार ६ सय मत पाएर गण्डकी प्रदेशको समानुपातिक तर्फ दोस्रो स्थानमा छ।
तेस्रो स्थानमा रहेको राष्ट्रिय प्रजातन्त्र पार्टीले ४ हजार ७४७ मत र चौथो स्थानको नेकपा माओवादी केन्द्रले ४ हजार ७२४ मत पाएको छ।
मंगोल नेशनल अर्गनाइजेशनले २ हजार १०३ मत सहित पार्टी पाचौं, हाम्रो नेपाली पार्टीले १ हजार १०५ मत सहित छैंटौं र ९ सय ४२ मत सहित नेकपा एकीकृत समाजवादी सातौं स्थानमा छ।
यसैगरी, अन्य राजनीतिक दलहरु राष्ट्रिय जनमोर्चा, नेपाल मजदूर किसान पार्टी, लाकतान्त्रिक समाजवादी पार्टी नेपाल, जनमत पार्टी, मौलिक जरोकिलो पार्टी, नेपाल समावेशी पार्टी, जनता प्रगतीशिल पार्टी लगायत अन्यको जम्मा ३ हजार ३ सय ६६ मत रहेको छ।
तर, स्याङ्जाबाट प्रतिनिधिसभा समानुपातिकमा रहेका गोपालमान श्रेष्ठ भने सांसदको सुचीमा अटाएनन्।
तर, स्याङ्जाबाट प्रतिनिधिसभा समानुपातिकमा रहेका गोपालमान श्रेष्ठ भने सांसदको सुचीमा राखिएन , समानुपातिकतर्फ सांसद बन्न पाउने ३ पुरुषमा जीवन परियार, विमलेन्द्र निधि र प्रकाशरण महत चयन भएपछि श्रेष्ठ बाहिर पर्नुभएको हो ।
नेपाली काँग्रेसले समानुपातिकतर्फ पाएको ३२ सिट हो। तीमध्ये महिलाको प्रतिनिधित्व ३३ प्रतिशत पु¥याउनुपर्ने वाध्यकारी नियम छ।