स्याङ्जा ११ फागुन । वालिङ नगरपालिकाको आयोजना तथा ब्रिटिस काउन्सिलको सहकार्यमा शिक्षकहरुका लागि अन्वेषण तथा अनुसन्धान बारे २ दिने प्रशिक्षण कार्यक्रम वालिङ्मा सम्पन्न भएको छ ।
समापन कार्यक्रममा बोल्द नगरप्रमुख कृष्ण खाँणले तालिमका सिप र ज्ञानलाई ब्यवहारमा उतारी यहाँ अध्ययारत बिद्यार्थी सबैको शैक्षिक गुणस्तर बृद्धिमा सहयोग गर्न आग्रह गर्नुभयो । नगरपालिकाको शैक्षिक गुणस्तर वृद्धि गर्न ब्रिटिस काउन्सिलको कार्यक्रमले धेरै मद्दत गरेको भन्दै उहाले यहाँकोे शैक्षिक श्रीवृद्धिका पालिका सधैभरी तयार रहेको बताउनुभयो ।
दुई दिने कार्यक्रममा ७ जना शिक्षकले ७० जना अंग्रेजी शिक्षकले जनही दश÷दश जना शिक्षक तयार पारी शिक्षणका बेला आइपरेका समस्या समाधान गर्नेगरी सहजीकरण गरिएको हो।
कक्षा शिक्षण र विद्यार्थीको सिकाइमा देखिएका समस्या वास्तविक समस्या हुन वा होईनन भन्ने विषयमा विद्यालयका प्रधानाध्यापक, शिक्षक, अभिभावक र विद्यार्थीहरुसँग छलफल प्रश्नोत्तर एवं कक्षा शिक्षण अवलोकनगरी गरिने छ ।
यसरी आएका बास्तविक समस्या पहिचान गरी विद्यार्थीका समस्या समाधानका लागि नयाँ खोज र सहज तरिका उपयोगगरी सिकाइमा सुधार ल्याउनेगरी कार्यक्रम गरिएको वालिङ नगरपालिकाका शिक्षा अधिकृत दुर्गाकुमारी न्यौपानेले बताउनुभयो ।
उहाँका अनुसार, सामुदायिक विद्यालयको शैक्षिक गुणस्तर सुधारका लागि एक कोषेढुङ्गा मानिएको उक्त कार्यक्रमले ७ जना शिक्षक (मेन्टर) ले नगरभित्रका विभिन्न सामुदायिक विद्यालयका ७० जना शिक्षक (मेन्टर) मार्फत वालिङ नगरमा अध्यापन गराउने सामुदायिक विद्यालयका झण्डैं ५ सय जना शिक्षकलाई प्रशिक्षित गराउने छ ।
विषयमा विद्यालयमा जानकारी गराउने वातावरण तयारगरी प्रत्येक कक्षाकोठामा अन्वेषण तथा अनुसन्धान कार्यक्रममा सिकेका ज्ञानलाई उपयोग गर्न प्रधानाध्यापक तथा शिक्षकलाई आग्रह गर्नुभयो ।
उक्त प्रस्तुतिकरणको सुपरीवेक्षण तथा मूल्याङ्कनका लागि आउनु भएका ब्रिटिस काउन्सिलका सुपर मेन्टर इश्वर कँडेले शिक्षकहरुको निरन्तर पेशागत विकासका लागि सहयोग गर्न र ती कार्यलाई शिक्षण गरिरहुन्जेल निरन्तर रुपमा प्रयोग गर्नुपर्ने कुरामा जोड दिनुभयो ।
कार्यक्रममा शिक्षा अधिकृत गीता पाठक सहित सहभागि शिक्षकहरुले बिगत र हालको अवस्थाका बारेमा जानकारी गराउनु भएको थियो ।
ब्रिटिस काउन्सिल स्रोत शिक्षक दिपक लम्सालले सहजीकरण गर्नु भएको सो कार्यक्रमको बारेमा जानकारी शिक्षा अधिकृत दुर्गाकुमारी न्यौपानेले दिनुभएको थियो।
कार्यक्रममा सामुदायिक र संस्थागत बिद्यालय तथा क्याम्पसमा अंग्रेजी बिषय अध्यापन गराउदै आउनु भएका ७० जना शिक्षकहरुको सहभागीता थियो ।
