स्याङ्जा, ६ साउन । ४१औँ विपि स्मृति दिवसका अवसरमा स्याङ्जामा विभिन्न कार्यक्रम गरी मनाइएको छ । नेपाली कांगे्रस जिल्ला समिति, विभिन्न पालिकास्तरीय समिति र पार्टीको भातृ संघसंगठनहरुले बृक्षारोपण सहित विभिन्न कार्यक्रम गरी विपि स्मृति दिवस मनाएका हुन ।
पुतलीबजार नगरपालिका १ चौकी स्थित वीपी चोकमा राखिएको विपिको शालिकमा माल्यापण र बृक्षारोपण गरिएको छ । नेपाली कांगे्रस स्याङ्जा जिल्ला कार्यसमितिको आयोजना गरिएको कार्यक्रममा स्याङ्जामा रहेको विपिको शालिकमा माल्र्यापण र पुतलीबजार नगरपालिका वडा नं.४ मा रहेको भाुलपहाडमा बृक्षारोपण गरिएको हो ।
कार्यक्रममा प्रतिनिधिसभा सदस्य एवं जिल्ला सभापति राजु थापाले महामानव विपि कोईरालाले प्रतिपादन गर्नुभएका निति र सिद्धान्तलाई अबलम्बन गर्दै नेपाली कांगे्रस अगाडि बढ्नुपर्ने बताउनुभयो । साथै सांसद थापाले नेपाली कांगे्रस पार्टी थप शसक्त र सुदृढ रुपमा अगाडि बढ्नुपर्ने भन्दै विपिको मेलमिलाप निति र समाजवादलाई विर्सन नहुँने बताउनुभयो ।
कार्यक्रममा पुर्व सांसद भागवतप्रकाश मल्ल, नेपाली कांग्रेसका कार्यवाहक सभापति कुमार राना, गण्डकी प्रदेश सदस्य द्धय अजित क्षेत्री र कुमबहादुर गुरुङ, नेपाल पत्रकार महासंघका निर्वतमान अध्यक्ष ओमप्रकाश शर्मा, महासमिति सदस्य तारा मल्ल, तरुण दल केन्द्रिय सदस्य जगदिश खांण, क्षेत्रिय सभापति तुल्सीराम रेग्मी लगायतले वीपी कोइरालाका योगदानका बारेमा बोल्नुभएको थियो ।
कार्यबहाक सभापति केदार काफ्लेको सभापतित्वमा सम्पन्न कार्यक्रममा वडा नंं ४ का सभापति इश्वरीप्रसाद पोख्रेलले स्वागत एवं जिल्ला सहसचिव धु्रवबन्धु पौडेलले संचालन गर्नुभएको थियो ।