स्याङ्जा १५ जेठ । स्मृति युवा क्वलद्धारा आयोजित पुतलीबजार नगरपालिका वडा नं. १३ स्थित मातृभूमि खेलमैदानमा जारी पाचौ वडाअध्यक्ष फूटवल प्रतियोगिताको उपाधी होराइजन एफसी वालिङ्ले जितेको छ ।
२५ सय ६८ औ. बुद्ध पूर्णिमाको अवसर पारेर १० गतेदेखि जारी प्रतियोगिताको फाइनल खेलमा कोल्मा एफसीलाई ६ का बिरुद्ध ५ गोल अन्तरले पराजित गर्दै होराइजनले उपाधी जितेको हो ।
उपाधीसंगै होराइजनले १ लाख १ हजार १११ रुपैया सहित ट्रफी, मेडल र प्रमाणपत्र पाएको छ । यसैगरी, उपविजेता कोल्माले ५० हजार १११ रुपैंया सहित ट्रफी, मेडल र प्रमाणपत्र पाएको छ । प्रतियोगितामा १४ समूह सहभागी थिए ।
प्रतियोगिताको समापन कार्यक्रमलाई सम्बोधन गर्दै नगरप्रमुख तुलसीराम रेग्मीले यस्ता प्रतियोगिता मार्फत राम्रा खेलाडी उत्पादन गर्न सकिने जनाउद प्रतियोगितालाई निरन्तरता दिन समेत सुझाव दिनुभयो । पुतलीबजारभित्र रहेका मालेबगर, कोल्मा र मातृभूमि खेलमैदानलाई बिशेष प्राथमिकतामा राखी स्तरोन्नती गरि खेलाडीमैत्री खेलमैदान निर्माणका लागि आवश्यक सहयोग गर्ने उहाले बताउनुभयो । पालिकाको सिमित स्रोत र साधनको उपयोग गर्दे सबै वडामा समानुपातिक विकास निर्माणका कार्य गर्दै आएको जानकारी दिनुभयो ।
कार्यक्रममा उपप्रमुख देवी अर्यालले स्वास्थ्य, सुरक्षा, एकता, अनुशासनका लागि खेलकूद आवश्यक रहनेमा जोड दिदै राष्ट्रिय तथा अन्र्तराष्ट्रिय स्तरमा समेत पहिचान दिलाउन सुझाव दिनुभयो ।
कार्यक्रममा वडाअध्यक्ष जुद्धबहादुर थापा, एन्फा जिल्ला अध्यक्ष मुक्त राना, मातृभूमि बिद्यालय ब्यवस्थापन समितिका अध्यक्ष ख्यामनारायण अधिकारी, रेडक्रास सोसाइटी जिल्ला उपसभापति लक्ष्मी थापा लगायतले शुभकामना मन्तब्य ब्यक्त गर्नुभएको थियो ।
स्मृति युवा क्लवका अध्यक्ष भिम रानाको अध्यक्षतामा सम्पन् कार्यक्रममा सदस्य शेषराज सुवेदीले स्वागत एवं सचिव मिनप्रसाद अर्यालले संचालन गर्नुभएको थियो ।