स्याङ्जा २६ कात्तिक । महाकवि लक्ष्मीप्रसाद देवकोटाको ११५ औं जन्मजयन्तीको अवसर पारेर आँधीखोला गाउँपालिका ६ फापरथुम स्थित आनन्दआश्रम ज्ञान केन्द्र स्याङ्जाल अन्तर माध्यमिक विद्यालय स्तरीय कविता प्रतियोगिताको गरेको छ ।
कविता वाचन प्रतियोगितामा प्रद्युम्न पनेरु माविकी छात्रा शिखा सुनार प्रथम, रजस्थल माविकी छात्रा सदीक्षा बराल द्वितीय, श्रवण माविकी छात्रा सुशीला पौडेल तृतीय र सेपत माविकी छात्रा सुजाता लामिछाने सान्त्वना हुनु भएको छ ।
प्रथम, द्वितीय, तृतीय र सान्त्वना स्थान हासिल गर्ने छात्राहरूलाई क्रमशः पाँच हजार, तिन हजार, दुई हजार र एक हजार नगद पुरस्कार र सहभागी बिद्यार्थीलाई सम्मानपत्र र प्रोत्साहन स्वरूप जनही ५ सय रुपैयाँ प्रदान गरिएको छ ।
‘व्यक्ति–व्यक्ति सिर्जनाकारः घरघर साहित्यकार’ भन्ने मूल नाराका साथ गरिएको प्रतियोगितामा नेपाल प्रज्ञाप्रतिष्ठानका प्राज्ञ परिषद सदस्य डा. कृष्णराज अधिकारी, प्राज्ञ सभा सदस्य नारायण मरासिनी, गण्डकी साहित्य सङ्गम पोखराका अध्यक्ष भीम रानाभाट र प्रगतिशील लेखकसंघ स्याङ्जाका अध्यक्ष चिन्तु गिरी, ज्ञानकेन्द्रका संस्थापक संरक्षक त्रिलोचन ढकालले पुरस्कृत गर्दे शुभकामना मन्तब्य ब्यक्त गर्नुभयो ।
ज्ञानकेन्द्रका संस्थापक संरक्षक त्रिलोचन ढकालले परिवेश अनुरुपको चित्रण गरिएको सिर्जना यथार्थमूलक र सुन्दर हुने बताउनुभयो ।
आश्रमबाट नियमित रुपमा यस्ता साहित्यिक कार्यक्रम हुदै आएको र यो नवौ यो नवौ शृङ्खला भएको ज्ञान केन्द्रले जनाएको छ ।