स्याङ्जा २२ पुस । वालिङ् नगरपालिका १४ का २३ बर्षिय हरिप्रसाद अर्यालको रुसमा मृत्यु भएको भन्ने खबर प्राप्त भएको छ ।अर्यालसंगै युद्धमा परेर स्याङ्जाका २ युवाको ज्यान गएको छ ।
नेपाली सेनाका जागिरे उहाले सो जागीर छोडेर दुबईमा बसेको केही समय बसेर उनी कात्तिकको पहिलो साता रुस गई रुसी सेनामा भर्ती भएको परिवारले जनाएको छ ।
दुबईमा केही समय बसेर गत कार्तिक ३ गते दुबई हुँदै रुस गएका २३ वर्षीय उनको युद्धको क्रममा मृत्यु भएको परराष्ट्र मन्त्रालयले जनाएको छ ।
वालिङ् नगरपालिका–१४ को वडा कार्यालयलाई परराष्ट्र मन्त्रालयको काउन्सिलर विभागले मंगलबार दिउँसो अर्यालको निधनको खबर गरेपछी उनका परिवारलाई सूचना दिइएको सोही वडाका वडा अध्यक्ष बोधराज कुँवर(राजु)ले बताउनुभयो ।
डिसेम्बर ३ मा घटना घटेपनी डिसेम्बर २८ मा घटनाको सूचना आएको परराष्ट्र मन्त्रालयले जनाएको छ ।
अर्यालको परिवारले रुसी सेनामा भर्ती भएपछी पनि निरन्तर सम्पर्कमा रहिरहेको र घटना हुनु अघिल्लो दिनसम्म सम्पर्कमा रहेको जनाएको छ ।
रुसी सेनामा भर्ती भएका स्याङ्जा पुतलीबजार नगरपालिका–५ का पितम कार्कीले समेत केही समय अगाडि मात्र रुसमा युद्धकै क्रममा ज्यान गएको छ ।