स्याङ्जा २४ कात्तिक । नेपाल पर्यटन वोर्डका कार्यकारी प्रमुख डा. धनञ्जय रेग्मीले उदघाटन गर्दै ब्यावसायमा पारदर्शिता, स्वच्छता र सूचना हुनुपर्ने बताउनुभयो । उहाले पुतलीबजार नगरपालिका ३ गुणीखोलामा निर्मित सहयात्री पार्टी प्यालेस, टिम्स रेष्ट्रो एण्ड लजको उदघाटन गर्दै सो कुरा बताउनु भएको हो ।
ब्यवसायलाई नाफामुखी मात्र नवनाई समग्र जिल्लाको पर्यटन प्रवद्र्धन सहित जिल्लाको पहिचान दिनेगरी संचालन गर्न सुझाव दिनुभयो । पर्यटन र ब्यवसायिकताका लागि सहयोग गर्ने उहाले प्रतिवद्धता समेत जनाउनुभयो ।
कार्यक्रममा प्रमुख जिल्ला अधिकारी राजुप्रसाद अधिकारी, नेपाली कांग्रेसका कार्यवाहक सभापति कुमार राना, नेकपा एकिकृत समाजवादीका अध्यक्ष रामचन्द्र भट्टराई, गण्डकी प्रदेश पर्यटन समितिका सदस्य अनन्तकुमार श्रेष्ठ, वडा अध्यक्ष तिलकराम श्रेष्ठ, मनिपाल अस्पताल संचालक समितिका सदस्य नारायणप्रसाद पौडेल, उद्योग वाणिज्य संघका वरिष्ठ उपाध्यक्ष हिक्मत श्रेष्ठ, च्याम्बर अफ कमर्शका सदस्य प्रकाश गौतम, पत्रकार महासंघका निवर्तमान अध्यक्ष ओमप्रकाश शर्मा, समाजसेवी एवं महिला नेत्रृ सीता गोदार लगायतले सदरमुकाममा अभाव खट्कीएको पार्टी प्यालेस संचालन गरेर आफनै गाउघरमै रोजगारको सुनिश्चिता गरिएकोमा खुशी ब्यक्त गर्दै सबै तह र बर्ग लक्षित गरेर ब्यवसाय संचालन गर्न सुझाव दिनुभयो ।
सहयात्री संचालक समितिका अध्यक्ष मनोज मल्लको अध्यक्षतामा सम्पन्न कार्यक्रममा संचालक राजेन्द्र गोदारले स्वागत एवं अर्का संचालक रमेश गोदारले संचालन गर्नुभएको थियो । यसैगरी, सोही कार्यक्रममा लोक दोहारी प्रतिष्ठानका वरिष्ठ उपाध्यक्ष एवं लोकप्रिय गायक पशुपती शर्माले ३÷४ वटा गीत गाउनु भएको थियो।
पुतलीबजार नगरपालिकाका १७ जना युवाहरुका सक्रियतामा ५ करोड २५ लाखको लागतमा सुबिधा सम्पन्न पार्टी प्यालेस संचालनमा ल्याईएको हो । गएको बैशाखदेखि संचालनमा आएका पार्टी प्यालेस, रेन्टुरेन्ट र लजको भने आज (बुधवार) बिबिधत रुपमा उदघाटन गरिएको हो। बोर्डका प्रमुख रेग्मीको जन्मथलो पनि पुतलीबजार हो ।