काठमाडौं १० साउन । नेपाली राष्ट्रिय फुटबल टिमका मुख्य प्रशिक्षक अब्दुल्लाह अलमुताइरीले राजीनामा दिने घोषणा गर्नुभएको छ ।
प्रशिक्षक अलमुताइरीले सामाजिक सञ्जालमार्फत आफूले राजीनामा दिन लागेको बताउनु भएको हो । अखिल नेपाल फुटबल संघ (एन्फा) का वरिष्ठ उपाध्यक्ष पंकज विक्रम नेम्वाङले आफूलाई दुःख दिएको भन्दै उनले राजीनामाको घोषणा गरेको बताउनु भयो । उहाले नेम्बाङले पछिल्लो तीन सातादेखि असहयोग गरिरहेको र त्यसका कारण आफुले फुटबल टिम छोड्ने निर्णय गरेको भन्दै फुटबल समर्थकलाई जानकारी दिनुभएको छ ।
यसैबीच एन्फा वरिष्ठ उपाध्यक्ष नेम्वाङले भने आफ्नो र अलमुताइरीको प्रत्यक्ष भेटसमेत नभएको भन्दै आफूलाई लगाइएको आरोप झुठो भएको बताउनु भएको छ । उहाँले आफ्नो कुनै गल्ती भएको भए आफू एक मिनेट पनि एन्फामा नबस्ने बताउनु भएको छ । उहाँले निष्पक्ष छानबिन गर्न एन्फा अध्यक्ष कर्माछिरिङ्ग शेर्पासमक्ष मागसमेत गर्नुभएको छ ।