स्याङ्जा ७ असार । वालिङ नगरपालिका वडा नं. ६ एक्ले पिपल स्थित एक महिलालाई सामाजिक संञ्जाल टिकटक मार्फत साथी बनाई निजको घरमा गएर बस्ने गर्दै गर्दा सोही महिलाकै घरबाट सुनका गहना चोरी गर्ने महिला पक्राउ परेकी छन् ।
पक्राउ पर्नेमा पर्वत जिल्लाको मोदी गाउँपालिका वडा नं. ३ बस्ने बर्ष २४ की कुसुम वि.सी. हुन् ।
जिल्ला प्रहरी कार्यालय स्याङ्जाका प्रहरी नायव उपरिक्षक रविन्द्र खनालका अनुसार विसिले वालिङ ६ एक्लेपिपलकी महिलाको आधी तोला बराबरको बेरुवा औठी थान–१ र अंदाजी १ तोला बराबरको करुवा लकेट सहितको सिख्री थान–१ चोरी गरी पोखरा स्थिन सुन पसालमा विक्रि गरेको भेटिएको हो ।
विसिलाई पक्राउ गरी स्याङ्जा जिल्ला अदालतबाट म्याद थप अनुमति लिई वडा प्रहरी कार्यालय वालिङ स्याङ्जामा राखि थप अनुसन्धान कार्य भई रहेको जिल्ला प्रहरी कार्यालयले जनाएको छ ।