स्याङ्जा ८ फागुन । वालिङ नगरपालिकामा गएराती ट्याक्टर दुर्घटना हुँदा चालक र सहचालकले ज्यान गुमाएका छन ्।
मृत्यु हुनेमा चापाकोट नगरपालिका २ का ३२ वर्षीय नविन सुनार र वालिङ नगरपालिका ८ का १४ वर्षीय सोविन विक रहेको जिल्ला प्रहरी कार्यालय स्याङ्जाले जनाएको छ। सुनार चालक हुन भने विक सहचालक ।
वालिङको जगतभङ्जयाङ्बाट नगरपालिका ६ स्थित भित्री सडक खण्ड मिर्दि तर्फ ढुङगा लिएर आउँदै गरेको ग १ त ६८८६ को नम्बरको ट्याक्टर आइतबार राती ८ बजे अनियन्त्रित भई दुर्घटना हुदाँ दुबैजना गम्भीर घाईते भएको प्रहरीले जनाएको छ ।
उपचारका क्रममा सुनारको वालिङ् प्राथमिक केन्द्रमा र विकको पोखरा स्थित गण्डकी मेडिकल कलेजमा उपचारका क्रममा मृत्यु भएको प्रहरी नायब उपरिक्षक रविन्द्र खनालले जानकारी दिनुभयो ।
घटनाको सम्बन्धमा थप अनुसन्धान गरिरहेको जनाएको छ । ट्याक्टर सडकदेखि करिब १५ मीटर तल खसेको छ ।