स्याङ्जा २७ माघ । पुतलीबजार नगरपालिका १४ लामागे स्थित श्रवण माध्यमिक बिद्यालयमा अध्ययरत छात्रछात्राका लागि सचेतनामूलक प्रशिक्षण कार्यक्रम गरिएको छ ।
मानवअधिकार तथा शान्ति समाज स्याङ्जाको आयोजना तथा श्रवण माध्यमिक बिद्यालय पूर्व बिद्यार्थी मंचको समन्वय तथा जिल्ला प्रहरी कार्यालय स्याङ्जाको सहयोगमा बिद्यार्थीसंग लागुऔषध तथा मदिरा दुब्र्यसनी बिरुद्ध सचेतना एवं प्रशिक्षण गरिएको हो ।
प्रहरी निरीक्षक पदमराज थापाले लागु औषध तथा मदिरा दुब्र्यसनका बारेमा प्रशिक्षण दिनुभएको थियो । समाजका सभापति एवं अधिवक्ता हरिप्रसाद रेग्मीले लागुऔषध र दुब्र्यसन सम्बन्धी बिद्यमान कानूनी ब्यवस्थाका बारेमा जानकारी दिनुभएको थियो ।
बिद्यालयका प्रधानाध्यापक हिमलाल ढकाल, मानवअधिकार तथा शान्ति समाजका पूर्वसभापति धु्रवबन्धु पौडेल, बिद्यालय ब्यवस्थापन समितिका पूर्व अध्यक्ष ओमप्रसाद पौडेल, सहायक प्रधानाध्यापक वेदप्रसाद पौडेल, शिक्षक अभिभावक संघका अध्यक्ष दोलनाथ गिरी , पूर्व बिद्यार्थी मंचका उपाध्यक्ष दिपक रेग्मी लगायतले समाजमा लागु औषध तथा मदिरा नियन्त्रणका लागि सबैले सहयोग गर्नुपर्नेमा जोड दिनुभएको थियो ।
समाजका सभापति हरिप्रसाद रेग्मीको सभापतित्वमा सम्पन्न कार्यक्रममा श्रवण मावि बिद्यालय ब्यवस्थापन समितिका अध्यक्ष रविन केसीले स्वागत, उपसभापति भवानी अधिकारीले धन्यवाद एवं सचिव गंगादेवी अर्यालले संचालन गर्नुभएको थियो ।
बिद्यालयको कक्षा ८, ९, १० मा अध्ययरत छात्रछात्रा, शिक्षक र बिद्यालय ब्यवस्थापन समितिका पदाधिकारी लगायतको सहभागिता थियो ।
