स्याङ्जा ५ चैत । चापाकोट नगरपालिकामा संचालित २ महिने सांकेतिक नेपाली भाषा (दोभाषे) तालिम सकिएको छ ।
चापाकोट नगरपालिकको आर्थिक सहयोग तथा अपांग संघ चापाकोटको आयोजनामा तालिम भएको हो ।
सहभागीलाई सांकेतिक भाषाको प्रमाणपत्र बितरण गर्दै उपप्रमुख इशा रानाले तालिमका सहभागीले अपांगता भएका ब्यक्तिलाई सांकेतिक रुपमा भाषा बुझाउन सक्ने बताउनुभयो । दोभासेको अभावमा अपांगता भएका ब्यक्तिले भोग्दै आएको कठिनाई दोभाषे उत्पादन गरिएसंगै सहज भएको उहाको भनाई छ ।
कार्यक्रममा नगर शिक्षा शाखा प्रमुख मनोज श्रीमल, ईलाका प्रहरी चापाकोटका प्रहरी नायव उपरीक्षक जेशी शाह, दोभाषे भुवन भण्डारी लगायतले सांकेतिक भाषा तालिमबाट भाषा बुझाईमा उत्पन्न हुने समस्याको समाधान हुनेमा जोड दिनुभयो ।
तालिममा अस्मिता खनालले प्रशिक्षण दिनुभएको थियो ।
अपांग सघ चापाकोटका अध्यक्ष सुनिता थापाको अध्यक्षतामा सम्पन्न कार्यक्रमको संचालन दोभासे भुवन भण्डारीले गर्नुभएको थियो । तालिममा ३० जना सहभागि थिए ।