स्याङ्जा १६ बैशाख । गोरखा स्मारक ट्रष्टले फेदिखोला गाउपालिका १ साल्मेडाडामा पत्रकार सम्मेलन गरेको छ ।
पत्रकार सम्मेलनमा निर्माणाधीन गोरखा स्मारकका बारेमा हिजो पत्रकार सम्मेलन मार्फत जानकारी गराइएको हो । प्रथम तथा द्धितिय विश्वयुद्धमा ज्यान गुमाएका ६० हजार नेपालीको स्मृतिमा स्थापित स्मारक पार्कको काम अन्तिम चरणमा पुगेको महासचिव डा. चन्द्रबहादुर गुरुङले जानकारी दिनुभयो । उहाका अनुसार स्मारक पार्कमा गोरखा समाधी, टावर, जातीय संग्राहलय, छुकछुके रेल लगायतका संरचना तयार पारिने र यस स्थललाई पर्यटकीय नगरीका रुपमा विकसित गरिने छ । निर्माणका लागि संघीय तथा प्रादेशिक सरकार लगायत बिभिन्न ब्यक्तिहरुबाट सहयोग प्राप्त भएको वताइएको छ ।
सोही कार्यक्रममा पोखरा महानगरपालिकाका पूर्वउपप्रमुख एवं पूर्व क्याप्टेन मानबहादुर गुरुङ, प्रा.डा गणेशमान गुरुङ, गण्डकी प्रदेश सदस्य सुधिरकुमार पौडेल, गण्डकी प्रदेशका पूर्वमन्त्री पञ्चराम गुरुङ, पूर्वमन्त्री सीता सुन्दास, सांसद कल्पना तिवारी, फेदिखोला गाउपालिकाका पूर्वउपाध्यक्ष देवी थापा, वडा अध्यक्ष अमृत क्षेत्री लगायतले बृहत परियोजना निर्माणका लागि आवश्यक सहयोगगरी अब छिटै निर्माणकार्य सम्पन्न गर्ने बताउनुभयो ।
कार्यक्रममा पत्रकार महासंघका निवर्तमान अध्यक्ष ओमप्रकाश शर्मा र स्वतन्त्र पत्रकार रविन्द्र माकाजुले सुझाव सहितका जिज्ञासा गर्नुभएको थियो । कार्यवाहक अध्यक्ष पुरनध्वज गुरुङको अध्यक्षतामा सम्पन्न भएको थियो ।