स्याङ्जा ३ फागुन । गल्याङ् नगरपालिका ७ स्थित नेपाल राष्ट्र माध्यमिक बिद्यालयमा अध्ययनरत बिद्यार्थीले खाद्य परिकार महोत्सव गरेका छन ्।
महोत्सवको शुभारम्भ गर्दै नगरप्रमुख गुरुप्रसाद भट्टराइले शैक्षिक सुधार कार्यक्रम अन्र्तगत बिद्यार्थीले स्थानीय उत्पादन र क्षमता प्रदर्शन गर्नका लागि आगामी दिनमा समेत यस्ता कार्यक्रमलाई निरन्तरता दिईने बताउनुभयो ।
नेपाल राष्ट्र माध्यमिक विद्यालयले परिकार बनाउन सिकाएको छ। बिद्यालयले व्यवहारिक शिक्षा दिनुका साथै उनीहरुलाई आत्मनिर्भर बन्न उत्पे्ररित गर्न महोत्सवको आयोजना गरेको जनायो।
सैद्धान्तिक शिक्षालाई ब्यवहारमा उतार्ने उदेश्यले यहाँ ६ देखि १२ कक्षासम्म अध्ययरत बालबालिकाले खाद्य परिकार बनाएर महोत्सवको आयोजना गरेका हुन। उनीहरुले दैनिक जीवनमा उपयोगमा आउने घरयशी खाद्यान्न पकाएका छन् । यसरी बनाइएका परिकारलाई अभिभाव, शिक्षक, बिद्यार्थी र महोत्सवमा आमन्त्रित पाहुनालाई खुवाइएको थियो।
महोत्सवको ९ स्टलमा विद्यार्थींले १६ प्रकारका परिकार बनाएका थिए। कोदोको सेल रोटी, मकैको सेल, वन तरुल, तरकारीबाट निर्मित मम, गाजरको हलुवा, खिर, सिस्नोको सुप र पकौडा लगायतका विभिन्न परिकार बनाएर महोत्सवमा आएका अभिभावक एवं पाहुनालाई खुवाएको प्रधानाध्यापक राजेश शर्माले बताउनुभयो ।
उहाले भन्नुभयो, ‘बिद्यार्थीले राम्रो तरिकाले खाना बनाएर खुवाएका थिए। हामीले दिएको शिक्षाको प्रभाव राम्रो देखियो।’