स्याङ्जा २२ जेठ । स्याङ्जा समाज जापानबाट घाटीका क्यान्सर पिडित दिलिपबहादुर गाइनेलाई १ लाख ३६ हजार रुपैंया नगद सहयोग गरिएको छ ।
पुतलीबजार नगरपालिका १४ निवासी ४० बर्षिया गाईनेका परिवारलाई हिजो सो रकम हस्तान्तरण गरिएको हो । रोजगारका लागि स्याङ्जाबाट जापान गएकाहरुबाट संकलित सो रकम स्याङ्जा समाज जापानका सल्लाहकार ताराप्रसाद गौडेलले परिवारलाई हस्तान्तरण गर्नुभएको हो ।
बैदेशिक रोजगारका लागि सोही वडाबाट जापान पुग्नु भएको भुवन गिरीको संयोजकत्वमा सो रकम संकलनगरिभएको विरामीका उपचारका लागि पठाइएको हो ।
रकम हस्तान्तरण कार्यक्रममा बोल्दै वडा अध्यक्ष जितेन्द्रप्रकाश मल्लले क्यान्सर पिडित गाइनेलाई सबैको सहयोगको आवश्यकता रहेको जनाउदै सेवा नै धर्म भएको बताउनुभयो । कार्यक्रममा सामुदायिक रेडियो र टेलिभिजनका अध्यक्ष धुवबन्धु पौडेल, समाजसेवी विश्वबन्धु पौडेल लगायतले स्वास्थ्यलाभको कामना सहितको मन्तब्य ब्यक्त गर्नूभएको थियो ।
समाजसेवी कृष्ण गिरीको अध्यक्षता सम्पन्न कार्यक्रमको संचालन स्थानीयबासी नारायण शर्माले सहजीकरण गर्नुभएको थियो । घाटीमा क्यान्सर भएका गाईनेको वीपी मेमोरियल क्यान्सर अस्पताल भरतपुरमा उपचार भैरहेको छ ।