काठमाण्डौं २२ मंसिर । सभापति एवं प्रधानमन्त्री शेरबहादर देउवाले नेपाली कांग्रेसको १४ औं महाधिवेशनको आधिकारिक पोष्टर सार्वजनिक गर्नुभएको छ । प्रदेश अधिवेशनको उद्घाटनसंगै सभापति देउवाले केही दिनअघि नै महाधिवेशनको आधिकारिक पोष्टर सार्वजनिक गर्नुभएको हो ।
पोष्टरमा महाधिवेशनको नारामा समेत राखिएको छ । कांग्रेसको यो महाधिवेशनको नारा ‘उत्साह, एकता, रुपान्तरण, सफल बनाऔं नेपाली’ राखेको छ ।
महाधिवेशनका लागि पोष्टर सार्वजनिक गरिएको प्रचार प्रसार समितिका सचिव दिनेश थापामगरले जानकारी दिनुभयो । ‘यो नै हाम्रो महाधिवेशनको पोष्टर हो । हामीले पार्टीको झण्डा र चुनाव चिन्हमात्रै होइन, नेपालको नक्सा र राष्ट्रिय झण्डालाई पनि त्यसभित्र समेटेका छौं । साथै, कांग्रेसका पूर्वज नेताहरू र हाम्रा आदर्श सिद्धान्तहरूलाई पोष्टरमा समेटेका छौँ,’ थापामगरले भन्नुभयो ।