काठमाण्डौ ४ पुस । नेपाली कांग्रेसको खुल्ला तर्फका केन्द्रीय सदस्यको मतगणना सकिएको छ। शनिबारदेखि थालिएको मतगणना आइतबार आज साँझ सकिएको हो।
३५ जना निर्वाचित हुने खुला केन्द्रीय सदस्यका लागि ९९ जनाले चुनाव लडेका थिए। खुला केन्द्रीय सदस्यमा सबैभन्दा बढी डा. शशांक कोइरालाले मत पाउनुभएको छ । यस्तै दोस्रो नम्बरमा एनपी साउद, तेस्रोमा बालकृष्ण खाँण, चौथोमा उदयशमशेर राणा र पाँचौमा रामहरि खतिवडा हुनुहुन्छ ।
यसैगरी, ज्ञानेन्द्रबहादुर कार्की, रमेश लेखक, शंकर भण्डारी, जिप छिरिङ लामा, अर्जुननरसिंह केसी, जितजंग बस्नेत, गोपालमान श्रेष्ठ, मोहनबहादुर बस्नेत, सुनिलबहादुर थापा र नैनसिंह महर लगायत क्रमश ः १५ औं नम्बरमा रहनु भएको हो ।
यसैगरी, दिलेन्द्रप्रसाद बडु, डा. रामशरण महछ, बलबहादुर केसी, गोविन्द भट्टराई, कुन्दनराज काफले, दिपक गिरी, सुरेन्द्रराज पाण्डे, पद्यम नारायण चौधरी, राजीव ढुंगाा, गुरु बराल, सञ्जय कुमार गौतम, प्रा.डा. गोविन्दराज पोखरेल, मदन बहादुर अमात्य, अजयबाबु शिवाकोटी, गणेश लामा, दिनेश कोइराल, उमेशजंग रायमाझी, इ मोहन आचार्य, डा. गोपाल दहिलत र कृष्ण किशोर घिमिरे निर्वाचित हुनु भएको हो । ३५ खुला केन्द्रीय सदस्यमा सभापति शेरबहादुर देउवा पक्षका अधिकांश उम्मेदवार विजयी भएका छन्।
विजयीमध्ये २५ जना देउवा पक्षबाट छन् भने सभापतिमा पराजित शेखर कोइराला पक्षबाट ९ जनाले जित हात पारेका छन्। शशांक कोइराला भने देउवा र शेखर दुवै पक्षमा थिए । गत सोमबार कांग्रेसको सभापति सहित १३४ पदका लागि मतदान भएको थियो। निर्वाचन समितिले हालसम्म सभापतिसहित १३ पदाधिकारीको मतगणना सम्पन्न गरेसकेको छ।
