स्याङ्जा १५ फागुन । व्यवसायीहरुको छाता संगठन उद्योग वाणिज्य संघ वालिङ् नगर अध्यक्षमा युवा ब्यवसायी चेतनारायण श्रेष्ठ निर्वाचित हुनु भएको छ ।
वालिङ नगर उद्योग वाणिज्य संघको ८ औं अधिवेसनले श्रेष्ठको अध्यक्षतामा २१ सदस्यीय समिति निर्वाचित गरेको हो ।
बरिष्ट उपाध्यक्षमा अनुपमा ढुङ्गाना, उपाध्यक्षमा खगेन्द्रप्रसाद अर्याल, महासचिवमा रमेश अर्याल, सचिवमा पिताम्वर खनाल निर्वाचित हुनु भएको हो ।
यसैगरी, कोषाध्यक्षमा खगुपति न्यौपाने, सह—कोषाध्यक्षमा केशव पराजुली र सदस्यहरुमा अशोक तिवारी, विश्वास लम्साल, गोविन्द तिवारी, इश्वरीप्रसाद गैह्रे, पिताम्बर भुषाल, मन्जु खड्का, प्रकाश अधिकारी, सुविन्द्र गुरुङ र मोहम्मद कलाम मियाँ निर्वाचित भएको संघका कार्यालय सचिव बाबुराम रेग्मीले जानकारी दिनुभयो उहाका अनुसार संघमा ४ जना सदस्य मनोनित हुन बाँकी छन्।
संघका पदाधिकारीको पदावधि सकिएको धेरै महिनासम्म पनि समिति चयन हुन सकेको थिएन। यसअघि भएका सहमति बमोजिम नेपाली कांग्रेस र नेकपा एमालेबीच बिचको छलफलमा सहमति जुटेपछि समिति चयनको कार्य टुङ्गिएको निर्वतमान अध्यक्ष शोभाकान्त पौडेलले जानकारी दिनुभयो ।