स्याङ्जा ३० भदौ । आपसी सहयोग केन्द्रको २६ औं बार्षिक साधारणसभा तथा सामाजिक परिक्षणका शनिवार सम्पन्न गरेको छ । सहकार्यवाट दिगो विकास, गरिबी न्यूनिकरणका लागि शैक्षिक पूर्वाधार, शान्त र समतामूलक समाज निर्माणका लागि आधारभूत अधिकार भन्ने नाराको साथ साधारणसभा सम्पन्न भएको हो ।
पुतलीबजार नगरपालिका १ नारायणस्थान स्थित कार्यालयमा आयोजित सभाको उदघाटन गर्दै उपपप्रमुख देवी अर्यालले नगरपालिका र आपसी सहयोग केन्दबीच सहकार्य गर्दै काम गर्ने बताउनुभयो । केन्द्रले लिएका उदेश्य र नगरपालिकाले गर्दै आएका कृषि, रोजगार, उद्यम, जलवायू सम्बन्धी कार्यहरु मिल्दाजुल्दा रहेकाले दुबै पक्षबीच सहकार्य गर्दै अघि बढ्न सकिनेमा जोड दिनुभयो । केन्द्रले स्थापना कालदेखि राम्रा कार्य गर्दै आएको र एक नमूना गैससमा परिचित रहेकोमा जोड दिनुभयो ।
कार्यक्रममा गैरसरकारी संस्था महासंघका अध्यक्ष गोबिन्दप्रसाद शर्मा, केन्द्रका लेखा समितिका संयोजक चिन्तामणी पौडेल, सदस्य लीलाराज शर्मा लगायतले शुभकामना मन्तब्य ब्यक्त गर्नुभएको थियो । सोही कार्यक्रममा अध्यक्ष रुकुमदत्त शर्मा पौडेलले प्रगती विवरण, कार्यकारी प्रमुख हरिप्रसाद ढकालले संस्थागत विवरण, समाजिक परिक्षक महेन्द्र लामिछानेले सामाजिक परिक्षण प्रस्तुत गर्नुभएको थियो ।
केन्द्रका अध्यक्ष रुकुमदत्त शर्माको अध्यक्षतामा सम्पन्न कार्यक्रममा उपाध्यक्ष कृष्ण मरासीनीले स्वागत एवं सचिव लेखनाथ पौडेलले संचालन गर्नुभएको थियो । सभाले आर्थिक, प्राबिधिक एवं बिधान संशोधन पारित गरेको छ ।