स्याङ्जा २७ भदौ । राष्ट्रिय युवा संघ स्याङ्जाले संविधानको रक्षा सहित ‘जेनजी’ पुस्ताले उठाएका जायज माग सम्बोधन गर्नू पर्ने जनाउदै स्याङ्जा सदरमुकाममा प्रर्दशन गरेको छ ।
पुतलीबजार नगरपालिका १ स्थित नेकपा एमाले पार्टी कार्यालयबाट निस्केको रयालीले नगर परिक्रमा गर्दै सहिदचोकमा पुगेर कोणसभामा परिणत भएको थियो । संबिधानको रक्षा गर, वैदेशिक हस्तक्षेप बन्द गर, जेन—जीका जायज माग पुरा गर भन्दै नारा लगाएर नगर परिक्रमा गरेका थिए ।
कोणसभामामा बोल्दै युवा संघ स्याङ्जाका संयोजक राजन पोखरेलले संविधानलाई आधार मानेर सर्बपक्षिय सहमतिमा राजनीतिक निकास दिनु पर्ने बताउनुभयो । संबैधानिक मूल्य मान्यता बमोजिम सबैको सहमति बमोजिम जेनजी पुस्ताले उठाएको जायज मागलाई सम्बोधन गर्न समेत सरोकारवालाई संयोजक पोखरेलले जोड दिनुभयो ।