स्याङ्जा ७ चैत । पुतलीबजार नगरपालिका वडा नं १ चन्द्रनगर घुम्ती स्याङ्जा निवासी समाजसेवी क्या. चित्रवहादुर मल्ल ले आफ्नी धर्मपत्नी हुमकुमारी मल्लको ४५ औं दिनको पुण्यतिथिमा सामाग्री हस्तान्तरण गर्नुभएको ।
उहाँले ४५ औ पुण्य तिथिका दिन दिन पारेर बुधवार आफ्नै निवासमा आयोजित एक कार्यक्रम का वीच अपांगता भएका व्याक्तिहरुको क्षेत्रमा कृयाशिल सामाजिक संस्था अपाङ्ता सशक्तीकरण तथा सामुदायिक विकास केन्द्र –नेपाल स्याङ्जाका अध्यक्ष युवराज पराजुली लाई २ थान हवीलचियर र १ जोडि वैशाखी हस्तान्तरण गर्नुभएको हो।
सामाग्री हस्तान्तरण गर्दै उहांले पुर्ण अशक्त अपांगता भएका व्याक्तिहरुको दैनिक दिनचर्या अन्यन्त कष्टकर आफुले देखेकोले जीवनसंगिनीको स्मरणमा सहयोगी सामाग्री हस्तान्तरण गरेको वताउदै आगामी दिनमा पनि सहयोग रहने वताउनुभयो।
कार्यक्रममा नेपाल रेडक्रस सोसाइटीका पुर्व जिल्ला सभापति चन्दमणी पौडेल ,वरिष्ठ समाजसेवी खेमनारायण शर्मा , वयोवृद्ध सममजसेवी ह.कुलवहादुर पौडेल ,संस्थाका सदस्य भविलाल वि क,स्वयंसेवक सविना पोखरेल लगायतले स्वर्गीय मल्लप्रती श्रद्वासुमन व्यक्त गर्दै संस्था मार्फत ती सामाग्री हरु अति आवश्यक व्याक्तिहरुले प्राप्त गर्ने वताउनुभयो।
सामाग्री ग्रहण गर्दै अपागता सशक्तीकरण तथा सामुदायिक विकास केन्द्र –नेपाल स्याङ्जाका अध्यक्ष युवराज पराजुलीले प्राप्त सामाग्री हस्तान्तरण गर्ने परिवारका सदस्य को उपस्थितिमा आवश्यक अपागता भएका व्याक्तिहरुलाई वितरण गरिने वताउदै मल्ल परिवारप्रती धन्यवादज्ञापन गर्नुभएको थियो।
मल्लको ८४ वर्षको उमेरमा गत २०८१ माघ २१ गते निधन भएको थियोे । स्याङ्जा जिल्लामा कुल ६ हजार ७६० जना अपागता भएका व्याक्ति रहेको राष्ट्रिय जनगणना २०७८ को तथ्यांकमा देखिन्छ ।
