स्याङजा २२ माघ । वालिङ् नगरपालिकामा १४ तमादीमा मंगलबार स्कार्पियो दुर्घटना हुँदा पाँच जना घाइते भएका छन् । तमादी स्थित वालिङ् – पर्वत कच्ची सडक खण्डमा अन्र्तगत वालिङ्बाट सिरबानी जाँदै गरेको जीप सडकबाट ४ मिटर तल खसेको प्रहरीले जनाएको छ ।
करिब ८ बजे ग १ च ८९१३ नम्बरको स्कार्पियो दुर्घटनामा हुदाँ वालिङ – १४ सिरबानीका ६३ वर्षीय उमापति डुम्रे, ७८ वर्षीय कोषकान्त डुम्रे र ५२ वर्षीय भिम प्रसाद डुम्रे र पर्वत पैँयु गाउँपालिका – ६ हुवासका ३३ वर्षीया कुमाकला तिवारी र ११ वर्षीय कमल तिवारी घाइते भएको प्रहरी नायब उपरीक्षक हरिप्रसाद पौडेलले जानकारी दिनुभयो ।
घाइतेको प्राथमिक स्वास्थ्य केन्द्र वालिङमा उपचार भइरहेको छ । चालकसहित ८ जना सवार स्कार्पियो दुर्घटनामा ३ जना सकुशल रहेको र थप अनुसन्धान जारी रहेको प्रहरी भनाई छ ।