स्याङजा १३ चैत । महिलालाई उद्यमी बनाउने उदेश्यले वालिङमा चप्पल बनाउने शीपमुलक तालिम दिइएको छ ।
वालिङ उद्योग वाणिज्य संघको आयोजना तथा वालिङ नगरपालिकाको आर्थिक सहयोगमा वालिङमा चप्पल बनाउने एक हप्ते तालिम शुरु भएको हो ।
तालिमको उदघाटन गर्दै उपप्रमुख कविता तिवारीले यस्ता किसिमका शीपमुलक तालिमले ब्यवसायि बन्न सघाउने बताउनुभयो । तालिमको सदुपयोग गर्दे उद्योग सञ्चालन गरी आय आर्जनमा जोडिन सहभागिलाई सुझाव दिनुभयो ।
महिला तथा युवाहरु यस्ता किसिमका शीप सिकेर आय आर्जन वृद्धि गर्न सक्नेमा उहाले जोड दिनुभयो । यहाका स्थानीय उत्पादनको उपयोग गर्दै उद्योग संचालन गर्न चाहने महिला तथा पुरुषलाई नगरपालिकाले सहयोग गर्ने प्रतिबद्धता जनाउनुभयो ।
कार्यक्रममा कार्यपालिका सदस्य युगमाया पंगेनी, संघका पूर्व अध्यक्ष ले.यामबहादुर गुरुङ, प्रशिक्षक इन्द्रा थापा लगायतले शुभकामना मन्तव्य सहित तालिमलाई उपलब्धीमूलक बनाउनु पर्नेमा जोड दिनुभयो ।
वालिङ उद्योग वाणिज्य संघका अध्यक्ष चेतनारायण श्रेष्ठको अध्यक्षतामा सम्पन्न कार्यक्रममा बरिष्ठ उपाध्यक्ष अनुपमा तिवारीले स्वागत महासचिव रमेश अर्यालले संचालन गर्नुभएको थियो ।
आगामी दिनमा समेत संघले यस्ता शीप विकास सम्बन्धी अन्य तालिमहरु सञ्चालन गर्ने जनाउदै उद्यम, ब्यवसायमा संलग्न हुन चाहनेका लागि आवश्यक सहजीकरण गर्ने प्रतिबद्धता समेत अध्यक्ष श्रेष्ठले गर्नुभयो । तालिममा २८ जना महिला सहभागी छन् ।
