स्याङ्जा १२ वैशाख । वालिङ साना शहरी खानेपानी तथा सरसफाई उपभोक्ता संस्थाको अध्यक्षमा पुनः विद्या श्रेष्ठ निवार्चित हुनुभएको छ । बिहीबार सम्पन्न भएको अन्तिम मतपरिणाम अनुसार अध्यक्षमा श्रेष्ठ ७ सय ५७ मत सहित निर्वाचित हुनुभएको हो ।
उहाँका प्रतिष्पर्धी दिनेश तिवारी दिनकर नेपालले २ सय ६९ , दिलीपकुमार बगालेले २ सय २५, बालकृष्ण श्रेष्ठले १ सय ७५, चोपनारायण श्रेष्ठले १ सय ४६ र मुक्तिप्रसाद सुवेदीले ९० मत पाउनु भएको छ ।
उपाध्यक्षमा कल्पना पौडेल अर्याल विजयी हुनुभएको छ । उहाँले ७ सय १३ मत ल्याउनुभएको छ । मञ्जु केसीले ५ सय ६४ र रीमा केसीले २७१ मत पाउनु भएको छ ।
सचिवमा टेकलाल खनाल ५४३ मत सहित विजयी हुनुभएको छ । प्रतिष्पर्धी तेजबहादुर आलेले ४६८, भवानीप्रसाद ढुंगानाले २११ , ध्रुबप्रसाद सुवेदीले १९७ र मणिप्रसाद पंगेनीले १७८ मत पाउनुभयो ।
कोषाध्यक्षमा एमालेका रोशनबहादुर कुँवर विजयी हुनुभएको छ । उहाँले ५ सय ४२ , कृष्णबन्धु काफ्लेले ५०४, भुपराज डुम्रेले ३१९ र बासुदेव पौडेलले २१५ मत ल्यानुभएको निर्वाचन समितिले जनाएको छ ।
सदस्यमा ताराप्रसाद श्रेष्ठ ४ सय मत ल्याएर विजयी हुनुभयो । प्रतिष्पर्धी सोमबहादुर गुरूङले २३१, माधवप्रसाद कँडेलले २१७, गोबबहादुर विश्वकर्माले २ सय , खेमराज खनालले १५३, बुद्धिसागर सुवेदीले १४३, सूर्यप्रसाद काफ्लेले १३८ र युक्तप्रसाद तिवारीले ११४ मत ल्याउनुभएको छ ।
त्यस्तै महिला सदस्यमा कृष्णकुमारी आले थापा ७ सय ७५ सहित विजयी हुनुभएको छ । प्रतिष्पर्धी कमला भण्डारीले ५सय ८३ र अप्सरादेवी एस्केले २ सय ४१ मत ल्याउनुभएको छ ।
तीन हजार २९ जना मतदाता रहेको संस्थामा १ हजार ७ सय ३९ मत खसेको थियो । ९ सदस्यीय हुने समितिमा ३ सदस्य पछि मनोनित गरिने ब्यवस्था छ ।