स्याङजा ५ चैत । वालिङ् बहुमुखी क्याम्पसको स्ववियु सभापतिमा नेविसंघका निरज श्रेष्ठ विजयी हुनुभएको छ । सभापति सहित अरु सबै पदमा नेविसंघ बिजयी भएको छ भने सचिवमा अनेरास्ववीयू बिजयी भएको हो ।
मंगलबार सम्पन्न मतगणनामा नेविसंघका निरज श्रेष्ठ ३७७ मत पाएर स्ववियु सभापतिमा निर्वाचित हुनु भएको हो श्रेष्ठले अनेरास्ववियुबाट सभापतिका उम्मेदवार बनेका विष्णु पङ्गेनीलाई पराजित गर्नुभएको हो । पङ्गेनीको ३४२ मत थियो ।
यसैगरी, सचिवमा अनेरास्ववियुका उम्मेदवार बिना रेग्मीले नेविसंघबाट उम्मेदवार बनेकी ममता रेग्मीलाई पराजित गर्दै निर्वाचित हुनुभएको हो । बिना ३६६ मत र ममताले ३४२ मत पाएका थिए ।
कोषाध्यक्षमा नेविसंघका विवेक कुँवरले अनेरास्ववियुका भुम बहादुर राना किस्मतलाई पराजित गर्दै विजयी भएका छन् । कुँवरले ४०६ र रानाले २९२ मत ल्याएका छन ।
सदस्यमा नेविसंघका उम्मेदवार पुजा कोइराला ४०३, नम्रता पौडेल ३९५, पवित्रा विक ३९८, प्रवेश पौड्याल ४२२, दिपा कुमारी आले ३९३ र याम प्रसाद पङ्गेनी सन्दिप ४२४ मतसहित निर्वाचित भएका हुन् ।
नौ सय ९४ मतदाता रहेको वालिङ् बहुमुखी क्याम्पसमा ७२८ मत खसेको निर्वाचन समितिले जनाएको छ ।