स्याङ्जा १४ चैत । वालिङ नगरपालिकालाई बालमैत्री नगर बनाउन पालिकाले अभियान सुरु गरेको छ। अभियान सुरु गरेसंगै यहाँका जनप्रतिनिधि, बिद्यालय, राजनीतिक दल लगायत सरोकारवाला सबैले प्रतिवद्धता सहित हस्ताक्षर गरेका छन ।
अबको २ बर्षपछि अर्थात विस २०८३ मंसिर ४ गते अन्तराष्ट्रिय बालअधिकार दिवसको दिनमा वालिङ्लाई बालमैत्री नगर घोषणा गर्नेगरि तयारीमा जुटेको उपप्रमुख कबिता तिवारीले जानकारी दिनुभयो ।
उपप्रमुख तिवारीले बालमैत्री नगर बनाउनका लागि नगरपालिकाले कार्यबिधि बनाएरअघि बढ्ने प्रतिवद्धता जनाईन्। बालअधिकार सुनिश्चिततासंगै बालमैत्री नगर घोषणा तयारीका लागि आवश्यक सहयोग गर्न नगरबासीसंगै सरोकारवालालाई उपप्रमुख तिवारीले आग्रह छ ।
बालमैत्री स्थानीय शासन प्रर्वद्धन तथा व्यवस्थापन कार्यक्रममा सो प्रतिबद्धता जनाइएको हो । सामाजिक विकास कार्यालय स्याङ्जाको आयोजना तथा वालिङ नगरपालिका समन्वयमा बालमैत्री स्थानीय शासन प्रबद्र्धन तथा ब्यवस्थापन कार्यक्रम गरिएको थियो ।
स्मार्ट सिटीको अवधारणामा अघिबढेको वालिङलाई बाल अधिकार सुनिश्चितसंगै बालमैत्री नगर घोषणाका मापदण्ड क्रमशः पुरा गर्दै जाने नगरप्रवक्ता पदमराज गुरुङले बताउनुभयो । बालमैत्री अभियानलाइ सबैको सरोकारका बिषय र अवको आवश्यकता पनि रहेको जनाउदै जनप्रतिनिधिहरुले कार्यान्वयनको लागि संयुक्त प्रतिबद्धता जनाएका छन् ।
कार्यक्रममा राष्ट्रिय बालपरिषद गण्डकी प्रदेशका समन्वय अधिकृत बद्रीप्रसाद वाग्लेले बालबालिकाको अधिकार र अवस्था, नगरका बालबालिकाको तथ्यांक सहितको अवस्था, बालमैत्री स्थानीय शासनको सुचाकांक, सरोकारवालाको भुमिका तथा बालमैत्री स्थानीय शासन साझा प्रतिवद्वता लगायतका विषयमा सहजीकरण गर्नुभएको थियो ।
वालिङ्को जनसंख्या मध्ये २८ दशमलब ५७ प्रतिशत बालबालिका रहेको नगरपालिकाले जनाएको छ। बालमैत्री पालिका घोषणाका लागी नगरपालिकाले विभिन्न ५१ वटा सूचक पुरा गर्नुपर्ने हुन्छ । बालमैत्री अभियान अन्र्तगत ६ हजार ५७० दिन अर्थात १८ वर्ष पूरा नभएका उमेर समूहका बालबालिका पर्दछन ।
स्याङ्जाको पहिलो बालमैत्री नगरपालिका भीरकोट हो भने गण्डकी प्रदेशमा दोश्रो हो। विस स्याङ्जाका ११ स्थानीयपालिका मध्ये विस २०७७ सालमा भीरकोट जिल्लाकै पहिलो बालमैत्री नगरपालिका घोषित भएको हो।
