स्याङ्जा २० चैत । स्याङ्जा सदरमुकाम स्थित त्रिभुवन आदर्श बहुमुखी क्याम्पसमा लागु औषध सम्बन्धि सचेतनामूलक प्रशिक्षण कार्यक्रम गरिएको छ ।
जिवन बाटिका नेपालको आयोजना, सामाजिक विकास कार्यालय स्याङ्जाको सहयोग तथा स्वतन्त्र विद्यार्थी युनियन क्याम्पस ईकाइको समन्वयमा लागुऔषध अन्त्यका लागी सचेतनामूलक कार्यक्रम गरिएको हो ।
कार्यक्रममा बोल्दै क्याम्पस प्रमुख अर्जुनबन्धु अर्यालले यहाँ अध्ययरत युवासंग सुन्दर भविष्य जोडिएको हुदाँ सहि मार्गमा हिडेर सुन्दर भविष्य सुन्दर बनाउन सुझाव दिनुभयो । सुन्दर भविष्य निर्माणका लागि आजैदेखि गहन अध्ययन गर्दै सत्मार्ग हिड्नु पर्नेमा प्रमुख अर्यालले जोड दिनुभयो ।
सामाजिक विकास कार्यालय प्रमुख जीवन पौडेलले अमूल्य जीवनलाई सुन्दर र कलात्मक तरिकाबाट जीउनु पर्ने बताउदै लागु औषधका दुरगामी असर पहिचान गर्दै यसतर्फ ध्यान नदिन आग्रह गर्नुभयो । लागुऔषध तथा दुब्र्यसनको लतमा फसेपछि उम्कन निकै कठिन भएकाले यसतर्फ चासो दिन नहुने बताउनुभयो ।
स्वतन्त्र विद्यार्थी युनियन क्याम्पस सभापति देवदत्त सुवेदी (गोपी) ले युवाहरुनै देशको मेरुदण्ड भएकाले खराव कार्य नहुने बताउनुभयो । जानी नजानी धेरै युवा युवती कुलमा फसेको जनाउदै यसतर्फ सुरुमै चनाखो बन्न समेत उनले आग्रह गर्नुभयो ।
नवनिर्वाचित सभापति समेत रहनु भएका सुवेदीले कुलत, दुब्र्यसन तथा गलत संगतले मानिसका ब्यक्तिगत, सामाजिक, राजनैतिक, आर्थिक लगायत धेरै क्षेत्रमा नकारात्मक प्रभाव पार्ने जनाउदै यस्ता प्रशिक्षणले हामी बिद्यार्थीलाई सत्मार्ग हिडाउने उत्प्रेरणा प्रदान गरेको जानकारी दिनुभयो ।
सोही कार्यक्रममा मानसिक स्वास्थ्यका काउन्सिलर रुमा प्रधान, जीवन बाटिका नेपालका अध्यक्ष समिर गुरुङ, निवर्तमान अध्यक्ष नविन अर्याल, सहायक प्रहरी निरिक्षक सुनिल वि.क,. ले सहजिकरण गर्नुर्भको थियो ।
स्नातक तह अध्ययरत बिद्यार्थीहरुका लागि दिइएको सो प्रशिक्षणमा सकारात्मक सोच र तनाव व्यवस्थापन, लागुऔषध र यसबाट पार्ने प्रभावहरु, जिल्लामा लागुओैषध र दुब्र्यसनका अवस्था, कानूनी प्रावधान, सजाए र, लागु औषध दुब्र्यसन हुनबाट जोगिने उपायका बारेमा जानकारी गराइएको थियो ।