स्याङ्जा ३ साउन । तोडफोड र कुटपिट गरेको भन्दै प्रहरीले बिरुवा र हरिनास गाउँपालिकाका बिक्रम राना र योगेन्द्र मानन्धरलाई नियन्त्रणमा लिई आवश्यक कारवाही प्रक्रिया अघि बढाएको छ ।
उनीहरु दुबै जनामाथि असार १० गतेका दिन हरिनास गाउँपालिका १ मा दुलेगौडा — विरुवा सडकमा गुडिरहेको बोलेरो जीप रोकी २ जना यात्रुलाई कुटपिट गर्नुका साथै जीप समेत तोडफोड गरेको आरोप छ ।
पक्राउ पर्नेमा विरुवा गाउँपालिकाका २७ बर्षिया राना अर्का हरिनास गाउँपालिकाका २१ बर्षिय सविन भन्ने मानन्धर रहेका छन् ।
कुटपिटपछि फरार रहेका उनीहरु लुकिछिपी बसेको अवस्थामा साउन २ गते कास्कीबाट पक्राउ परेको प्रशन्नराज चौधरीले जानकारी दिनुभयो ।
उनीहरु दुबैलाई अभद्र ब्यवहार मुद्धामा जिल्ला प्रशासन कार्यालय स्याङ्जाले ७ दिनको म्याद थपगरि अनुसन्धान अघि बढाएको प्रहरीको भनाई छ ।